Umuhanzi Mavenge Sudi anenga abahanzi b’ubu ko basigaye basohora ibihangano batafatiye umwanya uhagije mu kubitegura mu myandikire no mu butumwa.

Mavenge avuga ko igihangano cyiza nibura gihimbwa mu gihe kirenze amezi atanu, aho umuhanzi abanza akajora yitonze ibyo agiye gusohora n’ubutumwa agiye guha abazakunda icyo gihangano cye.

Yifatiyeho urugero, Mavenge avuga ko we nyinshi mu ndirimbo ze azihimba mu gihe kiri hejuru y’umwaka umwe, ariko ko akenshi abona inyinshi mu ndirimbo ze azisohora nyuma y’imyaka ine yarazihimbye akizikosora.

Aha niho avuga ko izi ndirimbo zisohoka zifatika, zitanga ubutumwa abantu b’ingeri zose; baba abagezweho n’abazaza.

Agira ati  “Njye ndi umunutu usohora indirimbo imwe mu myaka itari munsi y’ine, nkabanza ngakora igihangano nkakijora nkareba ubutumwa burimo, nkareba ibyo ngiye guha Abanyarwanda ubutumwa burimo nkareba icyo igihangano cyanjye kizabigisha.”

Mavenge yongeraho ati “Bariya bavuga ngo bahanze indirimbo umunsi umwe ikaba isohotse, biriya ni amakosa. Nibura iyo imaze amezi ane, hiyongereyeho abiri bikaba atandatu nibwo igihangano uba umaze kukiyungurura ukakireba neza cyarabaye umuranzi ukareba ko icyo gihangano kirimo ubutumwa bwimbitse mu Kinyarwanda.”

Kuri we avuga ko indirimbo yakozwe mu gihe gito yagombye kuba yakozwe mu gihe cy’amezi nibura ane, ko ubu ari bwo umuhanzi asohora indirimbo yashishojeho.

Aha niho Mavenge atavuga rumwe n’abantu bavuga ko yazimye, kuko ngo ari mu nganzo, aho ari gutegura ibihangano bindi bishya akabifatira umwanya ngo bizasohokane umwimerere.

Agira ati “Ubu tuvugana mfite ibihangano nahimbye bimaze nk’imyaka ibiri itatu, indirimbo nziza cyane buri wese ashobora kumva akavuga ati ‘iyi ni indirimbo pe!’”

Mavenge avuga ko mu gihe abahanzi b’u Rwanda bazabasha gusohora indirimbo bitondeye bizajya bituma zidasaza vuba.

Mavenge avuga ko nta ndirimbo ihimbwa umunsi umwe ngo ibe yaramba (Ifoto/Irakoze R.)

Icyo ni iki​?

Ico ni iki niba atari ibi

Umucyo ngo ube umuko

Icyanzu kibe ikanzu

Icyoba kibe ikoba

Icyumba kibe ikumba

Icyara kibe ikara

Icyuka kibe ikuka

Icyana kibe ikana

Icyuna kibe ikuna

Icyuma kibe kuma

Icyapa kibe kapa

Gucyama ni ugukama

Gucyura ni ugukura

Ayiii! Icyari cyo kibe ko?

Froduald Harelimana

Cliquer ici pour voir la vidéo.

Umukoro: Soza izi nshinga na: Gira, Kira, Gura,
Gira amagara n’amagana
Kira ikibi n’abacyicumba
Gura byinshi kandi byiza
Umukoro: Soza izi nshinga na: Gira, Kira, Gura,
Kuramba——–
Gusinda——–
Kubyina——–
kudaba——–
Kumama——–
Gusaba——–
gukoma——-
Gushinja——–
Gusira——–
gutonda——-
kurinda——-
gukanda——–
guhoba——–
Gushwira——-
kwadu——–
kwaju——–
kwisu——–
kwubi——–
gutandu——-
kwihanu——–
kurari——–
kuzibu——-
guseka——–
kudoma- ——-
gusoma- ——-
gusura ——
gucaga- ——-
gucura——-
kurima——-
gutina——-
kuvunda——–
kumena——–
Gerageze ugire ijana ku ijana!
Oyee !
Umwaka mushya Muhire wa 2013!
Froduald

*************

Bimwe mu bisubizo:

Urubuga Umuhuza rurarika abahanzi nyarwanda!

Turifuza kandi dusaba umukoranabushake wese wazashyira aya magambo y’iyi ndirimbo muri muzika, ku buryo abanyarwanda babasha kuyikunda kandi bakayiririmba nk’umuntu umwe muri ibi bihe turimo, ko yabishyira mu ngiro. Abakandamijwe hirya no hino bazabimushimira.

Tubaye tubashimiye ubwitange muzabikorana.

La rédaction.

*******************************************************

TUZAATSIINDA  
INYIKIRIZO
Muu ngeri yúmutíma waanjye
Ni kó mbyeémera
Umuúnsi umwé tuzaatsiinda
IBITÉERO
1.
Tuzaatsiinda
Tuzaatsiinda
Umuúnsi umwé tuzaatsiinda
2.
Tuzaageenda ikigaanza mu kiíndi
Tuzaageenda ikigaanza mu kiíndi
Umuúnsi umwé tuzaageenda ikigaanza mu kiíindi
3.
Twéese tuziishyira twiizáne
Twéese tuziishyira twiizáne
Umuúnsi umwé twéese tuziishyira twiizáne
4.
Ntaa bwóoba dufité
Ntaa bwóoba dufité
Umuúnsi umwé ntáa bwóoba dufité
5.
Ntiturí twéenyiné
Ntiturí twéenyiné
Umuúnsi umwé ntiturí twéenyiné
6.
Mu Rwaanda rwíisí yóose
Mu Rwaanda rwíisí yóose
Umuúnsi umwé mu Rwaanda rwíisí yóose
7.
Tuzaatsiinda
Tuzaatsiinda
Umuúnsi umwé tuzaatsiinda

——————————————————————————–
Aho byavuye:  Eileen Southern, The Music of Black Americans: A History, Second Edition (Norton, 1971): 546-47, 159-60.

Cliquer ici pour voir la vidéo.

Umutoni mu biguruka
Ntiyangirwa kwona
Ntawe uzi ibiyitunga
Yifatira udutondwe
Igatamba aho hose
Ntawe uyivuga nabi

Yona mu cyayenge
Burya ngo yarihoreye
Iti “Akambonwa ni ko cyago
Ngo bayibajije impamvu
Itona amasaka ubwayo
Aho yanitse aho ku birago
Ahubwo ikayakinagiramo
Iyafatamo udukoko
Isubiza ko yabishatse
Ikabikora mu cyayenge
Iti: “Ariko ikibi cy’i Rwanda
Nanga ko bazambona
Ugasanga bantaranga
Ko mbonera imyaka
Bikavamo kunyamagana»
Iti  “Naho kugeza ubu bazi
Ko ntona amasaka yabo
Akambonwa karagatsindwa!”

Ntawica inyamanza
Ijya imbere y’abahinzi
Hataruka agatondwe
Ikaguruka ikagasama
Igasamura iryo haho

Ku mbuga aho iratamba
Wayegera ikaguruka
Ntijya kure y’impinga
Mu kanya ikaba iragarutse
Ikiyotera akazuba
Ikiyereka rubanda

Irangwa n’imico myiza
Ntiyinjira mu nyubakwa
Ntivugwa umururumba
Ntijya igira umuvundo
Ntijya inajwigira

Ibyayo ni amanga
Ntawe umenya aho irara
Mu mvura y’amahindu
Aho yugama niyo ihazi
Ntawe uyibona ihaze
Ntawe uzi inzara yayo
Ese mama, igera ku mazi?
Yaba se ijyayo ryari
Ko iduhora iruhande?
Ariko ihora isukuye
Ku mutima no ku mubiri!

Ntiyubaka icyari
N’ubwo ikunda abana
Ntigaragaza abayo
Ntubona ubuto bwayo
Ntunayibona ishaje
Umanza ihoraho iteka

Ikagira ikinyabupfura
No mu mvugo ni intyoza
Bati: “Mbe, Kanyamanza
Kuki ugira akaguru gatoya?”
Iti: “Nako ngakesha Rusengo
Wagakijije Rusenzi
Yagacuriye umugambi
Ngo akabazemo ubwato
Bw’Ingeyo n’Umuhozi.

Copyright © 2011
By Froduald Harelimana
Inyoni n’Udusimba tw’i Rwanda

Ni igihingwa cyera i Rwanda
Simpamya niba ariho akomoka
Ariko icyo nzi afite ubumanzi
Hinga nyarangire abatayazi
Maze mbabwire uko nayabonye
Ayo materambaraga, materamatsiko

Amateke asanzwe ya Kinyarwanda
Burya ni ingare y?ingagare
Arikunga, akidegembya
Kuva agihingwa kugeza ahiye
Iteka arangwa n?ubwigenge

Mu murima yiharira ikibanza
Ntarindwa ibyonnyi n?utwakatsi
Nta kagungu iyahangara
Ntajya arwara ngo aterwe umuti
Ntajya atinya imvura n?imiyaga
Izuba ry?icyi ntiriyakanga
Ntashorozwa akurwa yeze

Bitindakuziko ni amateke!
Yaba Ncogeye n?amaranda
Ku mashyiga yiha ijoro n?umunsi
Inkwi zikagwira, inkekwe igahinda
Maze agatinda agatungana

Ujya kuyateka aratekereza
Agashiruka ubute, agashira ubwira
Agategura inkwi ziyahisha
Agategura ibyo akora atetse

Abatetse amateke baratarama
Bagatarura udukuru twinshi
Tw?aho biriwe, utwo bumvise
Aho bahinze, abo bahuye
Uwabahe, uwabahanuye
Sakwe Sakwe, Fora Ndinde?
Imigani mirerimire irambirana,
Kugeza bagiye kugana amariri.

Arusha ibindi biryo ubugare
Ntavogerwa aribwa ahiye
Yanze ibyo kwihinduza atarashya
Yanze kwotswa no kuyahekenya
N?ubwo yaba inkwana zayo
Yanze kugaraguzwa indosho nk?imboga
Yataye heru kurembwa iziko
No kuyasuzuma hato na hato

Atekwa yonyine, nta mvange
Ntiyiganda, atekwa uko ari.
Yanze kwamburwa uruhu rwayo
Yanga gutandukana n?abayo

Nta buhanzi mu kuyateka
Nta murundo w?ibikoresho
Byo kuyateka no kuyagabura
Ntawe atesha igihe n?umwete
Byo kuyatwerera ibirungisho
Aribwa yonyine bigakunda
Nta kuyatarira ubufatisho

Iyo bayataragaje ku nkoko
Akanuye amaso n?ibihu byayo
Wayatinyira indoro yayo
Ugirango aranga kukugwa mu nda

Amateke aribwa mu kinyabupfura
Ntagira impumuro imena ibanga
Ntibayatambana ku irembo
Uyarya aratuza akicara hamwe
Ntakenera ibyuma byo kwendesha
Asubura cyangwa atonora atamira
Arunda ingunda y?ibihu byayo
Atapfuna neza, akanjakanja
Atamira bunguri nk?igisambo
Nta guhuta ngo atamuhorana
Nta mpungenge zo kwiyanduza

Uwayariye ntiyandara
Kuko amutera imbaraga nyinshi
Ahubwo agendana ingufu zayo
Ndetse n?intambwe y?ishanjire.

© 2011
Froduald Harelimana,
Ibiryo by?Iwacu (extrait).

Nkumbuye iwacu (Régine Mukanaho)

Nkumbuye iwacu,

Aliko nkumbuye rwa Rwanda rw’amata n’ubuki

Rwa rundi rw’ejo

Rutalimo urwango, n’ubugome, n’ububeshyi, na munyangire

Nkumbuye ba bana b’ibisage na ba bandi b’ibitambambuga

Nkumbuye ba babyeyi b’amaliza bahetse abana b’urwanda rw’ejo

Nkumbuye ba bakecuru bakenyeye imyenda y’amabara bakereye kujya mu misa ya Noheri

Nkumbuye ba basaza bisunga akazuba k’agasusuruko, inka zimaze guhumuza

Nkumbuye ba bakobwa b’intege zaliboye, bambaye utwenda tw’incabure

Nkumbuye ba bahungu b’imigenda bakina agapira k’ibirere

Ndakumbuye, nkumbuye iwacu

Nkumbuye twa tunyana tw’imitavu dukina twiruka dusanga za nyina

Nkumbuye ijuru ly’iwacu

Nkumbuye akayaga kaho

Nkumbuye lya juru lya kiberinka liherekeza amashyo y’inka agomagira agana ibiraro

Nkumbuye rya liba navomaga ndi umwana, na ka kayira nanyuragamo

Nkumbuye ba baturanyi.

Mbese baracyaliho?

Mbese ba bana babo baraho?

Mbese barigendeye iliya kure mu mahanga?

Mbese bitabye Immana ko alibyo byeze?

Baguye se mu gico cy’abashiriye Ikibeho bishwe n’ubusazi bw’abantu 

Ha handi  haguye abana na banyina; n’abasaza b’ubuvivi batazi icyatsi n’ururo

Bashiriye se muli Congo. Za mpunzi z’abanyarwanda zaguye mu mashyamba

Zirimo abana b’ibitambambuga.

None se nkumbure ngire nte?

Ngende iwacu mu Rwanda rw’abahemu!

Nitwe ingengabitekerezo ya génocide

Nitwe umujura ka buhaliwe utera gatalina

Nitwe umwicanyi ntakwica n’isazi

Ndakumbuye aliko

Régine

****************************************

Nkumbuye iwacu (Adrien Kalihungu)

Ndajiginwe

ndajiginwe ariko ntiwumve ko naniwe

umvugiye ibintu kuko nanjye ndakumbuye

nkumbuye ya zahabu yacu yavugwaga

nkumbuye ya mishinga yo muri nyakanga

nkumbuye wa muganura wo muri  kanama

na ya nkunga ya mukuru k’umuganda

na ka kaboko katwifuriza amahoro

kakandi kavomeera hejuru mu mutuzo

Ndakumbuye nanjye nyabusa

nkumbuye U Rwanda rudahatswe

rwarundi rubyuka ruseka 

rutarira aya Sekarama

Rudahanura aya Mazimpaka

rutabyinishwa ngo ejo ruramuke

rwarundi rutuje nk’inyanja nta muyaga

rwarundi rutari urwabasilimu

rwarundi rudasilimuka nka mutware

rwarundi rutishisha amoko

rwarundi rwera impuhwe ntirwice

rwarundi ruganira imbona nkubone

rutitwikira ijoro ngo rumene amaraso

rwarunidi rutambaye inkindi ya rurangiza

Rutababura inkoni ngo rurusheho kugusha

Ahubwo ruca inkoni izamba by’umwikariko

ngo abana barwo barusheho kuramba

Nkumbuye ka kageni k’umusindo

Wawundi batubwiraga tugaseka

twibaza iyo petroli icyo aricyo

isiba kuba amavuta igahinduka amahoro

Rwarundi ugendamo utikanga

uvuga amangambure nta gishika

uhinga ukeza nta mususu

utumira abawe nta mahwa

ugenda useka nta biparu

kubera umuneza utazi inkoni

Yayindi ibabuye nkabambari bayo

Nkumbuye rwarundi rugendwa

rudatera ibitero rudahusha

rutiba abaturanyi ngo rwandavure

rwarundi ruhuza ntirusenye

rwubaka rugasangira

rwarundi ruterwa ntirutere

rutagura inkiko by’amariganya

Nkumbuye rwarundi ruteganya ejo hazaza

rwarundi rutegurira abana kugubwa neza

rwarundi ruteze umubano iburasirazuba

amajyepfo ndetse n’iburengerazuba

Amajyaruguru yewe no hakurya y’amazi

 Nanjye ndakumbuye

ndakumbuye rwose, nkumbuye iwacu

Nkumbuye ko twitwa abantu batuje

batabazwa buri munsi ngo bite by’iwanyu

batitwa abicanyi nta nisazi twishe

Batitirirwa ingamba z’iterabwoba

mugihe bo ahubwo ubwoba bwabamaze

Nkumbuye igihugu kitarimo wa musilimu

wawundi udukanga tugasura

Hitileri tutayobewe

wawundi utera ntahushe

wawundi utizera n’intoki ze 

urasa igicucu cye akeka umwanzi

wawundi ugendana impeta idasanzwe

imwe ivubura amasasu ikagusha

Nanjye ndakumbuye

Ese twabuzwa n’iki gukumbura

Si no gukumbura gusa turababaye

tubabajwe n’inkoni ibabuye

aho twibereye inyuma y’ishyamba

Ishyanga mu ntizo kwa Nyamweru

turibaza ingoyi ariho mwene data

wawundi twasize atinyagambura

na wawundi uherutse kugenda

yibwirako ko akumbuye nkuko tubivuga

ndetse na wawundi uri kumwe na wawundi

wari ukumbuye kimwe nawe

None ubu akumbuye ibingana iki mbe Bemeriki

Nanjye ndakumbuye

Adrien

***********************************************

GASHAKABUHAKE KOKO ! (Auteur anonyme)

Inkotanyi muli kontaro

Ndi inyenzi aho zabuze

Inkotanyi y’inzara

Ndi Gashakabuhake.

Dawe w’umurwanashyaka

Wabaye umwe na Gitera kidaterwa

Unywana n’imena Kayibanda

Ibyo simbikangwa Gashakabuhake.

Dawe uri mu ntwari zaciye gihake

Uri mu mpirimbanyi zashinze Repubulika

Itanu n’icyenda itandatu na gatanu

Washinze kandi utwara imisozi.

Muli revolusiyo wahumurije abatutsi

Ntibagomba rwose guhunga

Utegeka ahubwo abahutu

Barabubakira babafasha ihinga.

Dawe wahaye inama nyinshi Kayibanda

Aliko akakwima amatwi

Akiyumvira Perefe 

Nibwo yiyemeje kugukura.

Ubwo bati hangana 

n’uwari ushyigikiwe na Kayibanda

Ndetse na Mulindahabi mu ngabo

Ntiwamutsinze se impyina bikivugiza.

Ni uko serwakira y’itandatu na kalindwi ije

Uzira ukuri kwawe ku bibazo byariho

Bati ba wigiyeyo uri ingwiza-murongo

Ubwo uta umugati wa Tarafiporo.

Imena mu bannyori

Dawe ntiwigeze uhara amavi kuva ubwo

N’aho inyenzi-inkotanyi zifatiye Kigali

Werekeye muli Tirikwaze ukomereza Zayire.

Imfubyi zawe n’ubu ziheze ishyanga

Usibye kariya kigungiye mu Gatsata

Umupfakazi Mama umbyara

Nawe araborera ku gasi anyita igisahiranda.

Dawe nahuye n’umuruho w’ubuhunzi

Ni uko isari isumbye iseseme nza ku mavi

Nzi ko utanyemereye aliko jye ni jye

Jye jyenyine Gashakabuhake.

Umuryango wandagije sinywucyuye sinshubirije

N’igicumbi sinigerezaho nkoma abakinnyamo

Inda ndende, irari ry’ibintu n’ukwisumbukuruza

Urabizi ni twibanire kuva nkiri umutavu.

Ibuka ko nirutse ku muto mu bakobwa ba Kayibanda

Byanze niruka kuli murumuna wa muka Nsengimasi

Hose bantera utwatsi nzira ishurashura ryanyokamye

N’uwo ntunze ubu aralira ayo kwalika.

Mu ruhando rw’amashyaka icyangenzaga urakizi

Ni uko nasanze nta hene ihangara ingwe

Ubwo mu buhungiro nongera gutarataza

Byo kujijisha mbeshyabeshya nshaka amayira.

Sibwo se nje ku mavi bakanyakira bakangabira

Byajya no kuba byiza nkungiriza umwiru

Usibye ko ivutu ryaje kubyutsa ivuzivuzi

Gasongo ka Rutagambwa akanta mu ibarabara.

None Imana irebera imbwa ndabona yeze

Ndongeye ndacya nsa n’abandi ijigo ni ijigo

Dore nari no ku isonga y’abamamaza umwami Kagame

None ndatamba instinzi niyita inkotanyi y’amarere !

Iyo Mana se izandagira igeze ryari ko batakinkeneye

Kuva bamaze kwica umushi n’ubwo ari ikinyoma

Ba Gashakabuhake b’imbunzabunwa karatubonye

Cyane ko n’ikinyankolenglish cyanjye ari turaturye.

Gashakabuhake ndiho amazi

Nabeshye byinshi nzaza imigeli ndasega

Umenya aliko noneho iminsi yanjye ibaze

Izi nziragasani ntizigikeneye ba Gatorano.

Dawe rero uce inkoni izamba ndakwugumbiye

Uko nahemutse singikwiye kukwambaza

Aliko ibyaye ikiboze irakiligata

Urantsindire inyenzi-nkotanyi zampaze.

Zikaba zitari butinde kunyita yuzelesi

Zikazura akabi n’akaboze zikanangerekeraho

Zikanyita umupawa upinga n’umugome

Zikankatisha mu mpimba ngana iwa Munanira

Nirwo ruti Gasongo nsingiza acanira

Abo bose bene nka njye ba Gashakabuhake.

Auteur anonyme…

*******************************************************

Wararutashye nkotanyi y’amarere,

(Regine Mukanaho)

aliko wahemukiye abanyarwanda

Warwinjiyemo induru ziravuga

Utera wiba, utera ubeshya, 

Utera wica

Uhereye Ibyumba.

Wica ababyeyi bahetse

Wica abatwite

Wica abasore

Wica abasaza

Abanyabyumba bacitse 

kw’icumu

Baramenengana

Bataha i Kigali batali bahazi

Baba muli burende mu gihugu

cyababyaye

N’uko ibintu biradogera

Les blancs menteurs

Bagutiza umulindi

Bagufasha kubeshya

Ali nako baguha

Amafaranga ndetse

N’intwaro

Maze abanyarwanda

Babura epfo na ruguru

Ubwo ntibyatinze iyo

Ntambara, ikwira

 mu Rwanda

 hose

N’uko abanyarwanda

Urabica, urabacucuma

Imirambo yabo imwe

Urayitwika

Iyindi uyijugunya mu nzuzi

Ubwira abaguhunze

Uti:

Intambara irarangiye

Nimutahe

Maze ubatangilira

Mu mayira urabaniga

N’abana babo

N’abaturanyi

Ntiwashirwa, nkotanyi

Ukoresha amanama

Maze abayajemo

Nabo urabatsemba

Kibeho uhibuka

Vuva na bwangu

urabatemagura

Abacitse imihoro

bahura n’amasasu

Abategereje hanze

Kuko inkambi wali

Wayigose

Umaze kumva ko

Bashize uraseka

Cyane, uriyamira

Ngo impunzi

Zasubiranye mo ziricana

Wibagiza rubanda ko

Wabahigaga

Ngo nta gihugu mu kindi

Mu Ruhengeri urahatera

Urica,urarimbura

Imbaga Nyarwanda

N’abanyamahanga

Ntiwabatinya

Ngo hatazagira ubara

Inkuru

Urabireba uranezerwa

Ukomeza inzira no

Muli Kongo

ho ntiwahasiga n’iyonka

Uracukura inzobo

Ubatamo bakibona

Bagihumeka

Uduhinja uratuniga

utwo utishe

Dusigara twonka

Banyina bapfuye kera

Nkotanyi yuzuye urwango

N’amaliganya

Ibyo birangiye ucanga amagambo

Urayacuruza aranakungukira

Ngo abahutu bose balishe

Aho umuhutu wese ali

Akabunda kugirango

Abone amaramuko

Bazi uwabiciye

Bazi ubahiga

Nta n’uruhusa  

Bafite rwo

Kulilira ababo

Cyangwa ngo

Babashyingure

Mu Cyubahiro

Nkotanyi warahemutse

Wahemukiye abanyarwanda

Régine

]]> http://murengerantwari.unblog.fr/2010/08/13/nkumbuye-iwacu-regine-mukanaho/feed/ 0 http://murengerantwari.unblog.fr/2009/06/23/gasimba-f-xaviericyivugo-cyimfizi-presentation-et-explications-par-prof-l-munyakazi/ http://murengerantwari.unblog.fr/2009/06/23/gasimba-f-xaviericyivugo-cyimfizi-presentation-et-explications-par-prof-l-munyakazi/#comments Tue, 23 Jun 2009 05:33:25 +0000 http://murengerantwari.unblog.fr/2009/06/23/gasimba-f-xaviericyivugo-cyimfizi-presentation-et-explications-par-prof-l-munyakazi/

IKÎIVUGO KÎIMFÎIZI

“Ikîivugo kîimfîizi” nî agatabo gakubîye mô “ inkurû buvûgo yûbuse” kaâtaangaajwe na Gâsiîmba Farasiisîko Savêeri mu mwâaka wa 1991. Ni umuvûgo mureemure ufîte imikarago 1866. Murî rusaânge, iyo mikarago igeendera kuu ngyaana imêze nkîiyô mu mazîna yîinkâ. Hari mô kaândi ibika byiînci biraangîzwa nûmukarago urî mô izîna “Baangahêezâ”, ku buryô umuuntu yaawugerêranya nîmpakanizi dusaangâ mu mivûgo yâmazîna yîinkâ.

Umuhaanzi aratêera ubuse abagîze Komite Nyobozi ya MRND nâbagîze Guverinoma, atâretsê Umukurû wÎgihûgu nûubwô amuvugâ ku buryô  buzigûye. Nîibâ umuhaanzi yârabikôze abîizi, byaaba arî ugutôneka ishemâ ryÛmukurû wÎgihûgu kubôna avûga kô  atuunzê imfîizî yiitwâ “Baangahêezâ” ikaba yîitiranwa nîimbwâ yûmutwaâre wô haambere utâari unakomeye. Imfîizî yîimbwâ ya kêera nî yô mfîizi yîinkâ ya nôone! Mu mikorêre yê rusaânge, Umukurû wÎgihûgu arîitwaara nkô kuu ngoma ya gihâke. Imfîizi atuunzê nî indâbukirano atuurwâ nâbatuûrage sî izô yiîyororeye. Abatêgetsi bâandi bôose bagoomba kumûhakwa hô bagakeeza ubuhakê kugira ngo bagabîrwe cyâangwâ booyê kunyagwa. Biragaragarira mu magaambo batatu murî abo batwaâre biivûgira:

“Kyûubahiro ati

Ako karîriimbo tukiîtooze

Tukuûmviishe Foondatêeri

Aburê ahô aheerâ adûtiiruuza

Irîiya ntiizanyo yîimbêehê

Wâa Mubyêeyi twaamunêeza

Na wê agakomeza kutwîizêera.

Ruhigira ati

Si ndî nyamwâanga iyô byaâvuuye

Nzaagya nkêeza uwanyîizeeye.

Muvoma yaanzurira kurî iryo

Ati muuzê reerô duhiimbâaze

Muvoma yâacu nûwayîhaanze

Yarâduhâaye ntîyatureemba

Imbêehê zâacu ntîzaâcaagase

Yarâzuuzuje nûmuseêse

Izô yatûgabiye ziradûtuunze

Abô zidatuunzê nî abatiindi

Barazînegura ibicêbe byâazo

Tukazishiima ibicûba byiînci”

Umuhaanzi aranêgura abanyâkyuubahiro biitwâaza Revorisiyô yîmiriîre bagahiinduka baa “rûdaciirâ akabîihye”.

Inda zâabo barashaaka kuzigira nkîingâraâni bakooyôorera mô ibibônetse byôose, kaândi urwêego rwâabo rûbaha ubushobozi bwô gutûungwa nîbiryô byîndobâanure. Abatêgetsi baraneenga igitabo keerêkeranye nô “kuryâ kinyarwaanda” kyaâtaangaajwe na Muvoma kaândi arî abareenzi bâayo. Ngo kirabâhaambiira ku byaa kêera kaândi ngo igihe bagezê mô kîbasaba kuryâ ibiintu byôose, kyaane kyaane inyama zikomôoka ku dusiîmba nûtunyamâaswa twô mu rugô nô mu gasôzi. Murî twô baravûga imbeba, injâangwê, iminyorôgoto, inzôka, ibikerî, ifukû, ingoona, inkeende, inumâ, isaânaane, isyiîgiri nîisyîsyi.

Rubaanda rugufî ntîrutiindâ kubôna kô byaabâ arî ukwîigiza nyoninyîinci abatwaâre bâvuze kô arî bô bazâatîinyuuka gutâangiza revorisiyô yô kuryâ beêne ibyo biintu byâkatâriibwâ mu Rwaanda. Kubêera kô baagabûriwe “Baangahêezâ”, umunopfu wîimbwâ nî wô bahyirâ ku isoonga ngo ni “umwaâmi wînyama zôose”.

Dore ukô bamwê murî abo batêgetsi basobâanura ikibâzo kîmiriîre nûburyô bategânya kugikêmura:

“Umwê ati

Ikibâzo sî inzara yîbiriîbwa

Ahuûbwo nî imiriîre yâacu

Yatûmenyereje kuvâanguura.

Habimâana  ati

Nsaanga ikibâzo kibakomêreye

Arî ugutôoranya ibyô bafuungûra

Ahô kuvâangitiranya byôose.

Undî ati mbeesê mwaari mûuzi yûukô

Umuuntu waagerâ kuu nteego

Yô kuryâ byôose indwâara zôose

Zaamutiînya akaba mutaraga

Habimâana ati

Nôone ngeewê igikorwâ ncaakâ

Yûukô muumfashâ kunôgereza

Ni ugutâanga urugero rwiizâ

Tûrya ibiriîbwa bibâ hô byôose.

Undî ati

Nge inyama yôose nuumva iryôohye

Nîbiryô byôose ntâakyo nciirâ.

Undî ati

NkÂbashinwâ baâdutaanze byiînci

Umunopfu wîimbwâ nî wô bakeeshâ

Imbarâga Ubwêenge nô kudâtiinyâ.

Foondatêeri ati ibiryô nî byiînci inda nî izaânyu.

Nseengumuremyi ati mwiitiinyâ

Ikibâ ndabêereka umutî wâakyo

Nîibâ mwûumva mûfite ubwôoba

Ngeewê ndêemera mbê igitâambo

Irîiya minopfu yeê gupfâ ubusâ”.

Abatêgetsi baâbaaye intâangarugero biiyemeza kuyoboka “Baangahêezâ”, arîko umuhaanzi arabânegura kô baâyiihariye ntibâsaraanganye nâbashoonji baaturûtse imihâanda yôose, bâtana nkîinkâ zigyâ ku mariba, bâgira ngo baazê gusuhuuza “Baangahêezâ”. Murî bô ntâa nuûmwe weêmerewe kwîinjira “mu busîtaâni butagatifu”, kaândi mu kinyarwaanda bâvuga ngo “Ntaa bukwê butagirâ umuvuûmba”.

Abatêgetsi bamwê barayîryaana ubusaambo ku buryô iriindâ kubâta ku munigo. Ingero ebyiri nî zô dusaangâ mô intâangamugabo:

“Uwô nzâavûumba amâmye akajîisho

Ku îyo myâaka ahô ideendêeje

Akamata umunopfu igitôosho

Awumira iryîinyo rîtawubôonye

Umuhogô ufôoye akanura amâaso

Avûze ijwî ryaanga kugera haanzê

Ashaaka utûuzi twô kumiriisha

Hashira umwaânya amîra amîraaza

Amâazi araaza aramûbohoora

Bigêze muu nda bivuza indûurû

Agira ikimwaaro aramwêenyuura

Ati ni impuûndu zivuzê muu nda…

Ngirabatwaâre akorora keênci

Abô biicâranye barîikaanga

Ndetsê bataangira kwîinuuba

Ati mize ururîmi ntarûkacaanze

Kaândi hûuzuye mô urusêenda ».

Abaândi batêgetsi bararwaanira « Baangahêezâ » kugera ahô gufâtana mu ijosi. Na byô birabôneka muu ngero ebyiri :

« Mugema akurikira yâa nkooko

Mirita Mbaangura yamutwaâye

Umwê afata hiîrya undî afata hiîno

Barayirwaanira biratiinda

Ahuûbwo igîiye kubâ uruteete

Nsaanzimâana aza kubagoboka

Ati nimusigê hô mwaa basôre mwe.

Higaniro inkooko imûgeze haâfi

Ati ni iyâangê mba ndôga daatâ.

Bîgeze haâfi Nseengumuremyi

Zaa bushwaati arazîkukuumba

Ni bwô Higaniro  ahisê ahâguruka

Acakira ukubôko kwaa Mugaanga

Ati zana ibyâangê bîkiri byiizâ

Kyâangwâ sê nkurahirê Gasiîmba ! »

Ibyô gucûranwa kwâbatêgetsi murî rusaânge ntîbishidîikanywa. Babiri murî bô barabîtaanga mô ubuhamyâ :

« Muvoma aroongera afata ijaambo

Ati igihe nareebâga ukô mutamîra

Niitegereje ukô mwiitwâaye

Mbona arî ngoombwâ gufâta amazîna

Yâbaâkabije gukêengeesha

Ngo nyahyikîrize nyirûbubaâsha

Afatîre ibyêemezo abanyâkyaaha

Kukô gucûranwa arî umucô mubî

Ncuunguyinkâ ati

Na hô ibyo byeerêkeye gucûranwa

Ikyô nkwiîsabiye waampîshiira

Ntaabwo waagyâ kuûntaraanga

Kaândi naâwe twâafâtanije

Na hô ubwô twêese turî abaregwâ

Ntaa wukwîiye gucâ urubaânza ».

Nkûukô abatêgetsi bôose baâtsiinzwe urugaâmba rwô guhîiga isihâ rusahuzi, umuhaanzi arabôna kô baananîwe nô gutsîinda intaambara yîmiriîre. Baracûranwa « Baangahêezâ » nkâahô arî intâkabôna, kaândi imbagâ nyamwiînci yâheejwe mu busîtaâni butagatifu. Iyo ngeso yô kudâsarâanganya ishobora kuzaahuungabanya umutêekaano, kukô :

« Urêtse bakêeyâ ivutû rihuutâ

Hari mô beênci umudâri uhitâna ».

Umuhaanzi arasaanga nîntaambara yîmitîma arî ingoorabahizi, kukô imyiîfatire nîbitêekerezo byaa bâmwe mu batêgetsi arî ibiteeragahiinda. Umuhaanzi araneenga imituûngaanyirize yûmugaanda nîiyâkazi kô mu biro. Abatêgetsi biigiira mu mishiinga yâabo, bagasiga abagerêerwa bâabo bôonsa umuhîni bâryoongora.

« Mâze abatuûrage bô mu kyaaro

Bati mureebê bâa batwaâre

Urugero rwâabo baâtubwiiye

Nâakô mu biro nî hâahaandî

Umenya bâcuungana nâmasâahâ ».

Aragaya imikorêre yîriinganiza « mu biryô kyâangwâ  ahaândi hôose » :

« Abafîte inda ninî bakarya byiînci

Abafîte ntôoya bagatônoora

Ngiiryô ibaanga ryîriinganiza ».

Umuhaanzi arabôna kô iryo riinganiza nîibyô rihishîriye bitazâatiinda guhiinduka :

« Amahiinduura agiiye kuuza

Azâavûgurura ikiremwâmuuntu

Na hô abarwâanira kwîikanyiza

Bâfite ivâara ryîriinganiza

Ibyô biizêera bizaayooka ».

Imitegêkere yîgihûgu yakûunze gushiingira kuu nda nîni, arîko bîgeze kuu ngoma ya nôone biba agahomamunwa. Umwê mu batêgetsi aragira ati :

“Kukô iyô ndeebyê amahiinduura

Yakôzwe yôose hâno mu Rwaanda

Nsaanga agenda agûusha kuu nda

Arîko adâtaangâ urugero rwiizâ…

Nî kyô dusuumbyâ abaândi bôose

Twe twiigiishiriza kuu ngero”.

Abatêgetsi biigwiiza hô umutûungo hamwê nâbaâbo, maze bakiireengagiza kô inzara icâ ibiintu mu gihûgu.

Biizimuungû biramûbabaza

Nî bwô ahagûrutse ati my God!

Ngo bûrya amâaso aryâ  ntâareebâ

Kô mwiishîimira kuryâ nêezâ

Arîko mukaanga kûumva inâama

Zô kubasohoza ku kyô mushaakâ

Nitûrya abaâcu inzara ikabîica

Nî hô tuzâaba tûneezerewe?

Tweebwê turaryâ tukîikuura

Dûteganyiriza abâana bâacu

Zaa rûkurûrana nîbikiîngi

Nâmazu twaânze gutaangaaza.

Kyûubahiro ati

Inzara ituzaahaza tûririimba

Ngo mu biriîbwa tuziihaaza

Izûuba ryaavâ tugasabiriza

Siinzî uwoôngeye asaba ijaambo

Ati reka mpekênye ngîfite akaânya

Amahyaka twaânze arâanga akaaza

Agiiye kuûnyubikira imbêehê

Yâanga uwaânze amacâakubîri

Watûmye ndyâamira mirîyaari

Abâangê bôose nkabâteteesha

Na hô abatiindi bâvuza indûurû

Kugeza yûukô baburâ umwuûka ».

Ibyô kwîikubira umutûungo na byô bishobora guhiinduka, kukô intaambara yâbashoonji itagirâ gitaangîira.

« Biizimuungû arakomeza

Ati ni ukô geewê ntâabyo ntuunzê

Abô mubikiînga nibabivuûmbura

Karabâaye ge ndabâbwiiye

Umenya hâzaaba amahiinduura

Ahîinda imbûundâ nîmiboroogo

Ndetsê urubyâaro dutegânyiriza

Ruzaabyaamburwa nâmatêgeko

Ahûuye niîbyo bihe bizâaza

Kukô ubu umwâanzi mbonâ rusaânge

Nyuma yÎnkootanyi arî  Rusahuzi

Urîiya ukûunda guhîsha ihaaho

Umenya bîzaaba vubâ ahangâahâ

Umuûnsi nîgihe biizi Muungû

Ge ndakûbwiira ibyô mporâ ndôota

Nîibyô nuumvâ bîvugwa haanzê ».

Abatêgetsi beênci baâtaatiye inteego zaa Muvoma. Barîigira nyoninyîinci kaândi mu byûkurî arî bô baa nyîrabayaâzana muu ngoôrane zûbukuûngu igihûgu gihaangânye na zô.

« Ndiindiriyimâana ati

Iyô mbonâ ukuuntu arî twe dupyinâgaza

Abanyarwaanda biîhyize hamwê

Kyaane rwâa rubyiruko rwâacu

Nuumva mfîte agahiinda keênci.

Nyaandwi yiifata ku gahaânga

Ati urêtse ko geewe niîkosooye

Nuumva ntâa mutêgetsi nuûmwe

Ukwîiye kwîihisha mu mishiinga

Yûbucûruuzi bucurîkaanze

Tûuzi yûukô akorêra Reeta

Bâbimuheembera buri kwêezi

Inzara isôgoota abaâbuze akazi

Nâbaâhyikiriye imaâri nyiînci

Bakayituundira mu mahaânga

Imiînsi yashirâ bagahuunga

Na hô abahîinzi nâbanyamyuuga

Inzara ikabiicira kubahuumba

Arî bô dukeeshâ ayo mafaraanga ».

Hari nîngeso yatêeye yô guhyâamiranya amôoko nûturêerê. Abatêgetsi bamwê babifite mô uruhâre rugarâgara. Ubumwê twiifûuza tuzaabugera hô dûte nîibâ arî uko bimezê ?

« Ntiigurîrwa ati

Hari abaantu imitwê yahyûuhye

Inzûki nînzuukira zîyibyoroga

Bâgaambiriye guhyâamiranya

Amôoko atûuye igihûgu kyâacu

Kyane ayâbahutû nâbatuutsi

Ibyûturêerê ndabyîihôreye

Ikiguri kîintôzi ntagisêesa.

Kavâarugaanda ati

Nuûbu nsaanga hâri intûumvâ

Zimezê nkûmugina wîbikôokô

Zivugâ yûukô ntâa mahûuriro

Yûmutuutsi nûmuhutû

Ngo ubwôoko bwûundî si ubwûmuuntu

Ahuûbwo nî indiri ya Shîtaani ».

Umucô wô kwîikubira ubutêgetsi ntâabwo ushobôra gutûma igihûgu kîgira amahôro nyakûri. Ni  na yô mvaano yîntaambara yatêewe nÎnkootanyi.

Kavâarugaanda arakomeza ati

Yâa matêgeko ya Kayîbaanda

Ntuuzî ukuuntu twaâyasheeshe

Ngo akiza abaâyo akiica abaândi ?

Twaâyaneengaga kwîikanyiza

Nyâmarâ naâtwe tûyavuguruye

Ibyô kwîikanyiza turabikomeza

Ndetsê turusha hô kubiremereza

Umucô wô kwîikanyiza ubutêgetsi

Utaangataanga umuvû nîmvurûru

Umutêekaano uba byâgatêganyo

Nôone rêeba kâa gatêganyo

Kaâzize intaambara yûruvaânge

Inyaangarwaanda zaâduteeje

Ndavûga yâa masihâ nînyeênzi ».

Ikiîndi kibâzo kîngoorabahizi kyaâburiwe igisûbizo nî ikibâzo kyâbakôzi. Baba hô ku bugeenge.

“Ruhigira

Ati sinatâmiraga ngo bigyê muu nda

Abakôzi bâacu bîicwa nînzara

Intîicâ ntiîkize ya sêruumu

Na yô yatâangiye kubâkamana

Yâa misoro na yâa misaânzu

Muuzi ukuuntu na yô ibasoônga

Kukô imishahâra isubîra haasî

Na hô ibicîiro abo bacûruuzi

Bakabihanika ahadâhyikîirwa ».

Nkûukô bigarâgara mu gatabo « Ikîivugo kîimfîizi », umuhaanzi aratêera ubuse abatêgetsi abâgaya ibiintu bitaanu byîngeenzi : gukomeza imicô ya gîhakê, kugira inda nîni kugeza nâahô kuryâ akatâriibwâ mu Rwaanda, gucûranwa iminopfû yîimbwâ bamwê ikabata ku munigo abaândi bakayirwaanira mô, guhêeza rubaanda nyamwiînci kaândi inzara ibâgeze ku bucê, kwîikubira umutûungo nûbutêgetsi bîtyo bagataatira inteego zaa Muvoma. Murî rusaânge, abatêgetsi baâtsiinzwe intaambara eshatu zîngoorabahizi : iyûbukuûngu, iyîmiriîre nîiyîmitîma. Izo eshatu zishobora kubâ arî na zô zaâkuruye iyâmasaâsu.

Gutêerana ubuse byô mu « Ikîivugo kîimfîizi » bikomeye kuu nteego yô gusetsa utîiza abatêgetsi ibikorwâ nâmagaambo bitaâbaaye hô. Umuhaanzi agaambiriye guhiindura umucô rusaânge wÂbanyarwaanda abâbuza kwîineenaguza ibiriîbwa byîngirakamaro kaandi bidahumâanya. Yahêereye ku batêgetsi bakurû bîgihûgu abâgaburira « Baangahêezâ » imbwâ yûmutwaâre Muvunanyaambo, mâze mu kuyîcuranwa basiga imiganî. Ntaa waâmenya arîko nîibâ umwêerâ utûrutse ibukurû warâkwîiriye mu Banyarwaanda beênci, kukô usaangâ abo banyâkyuubahiro bâfite umugaâmbi wô kwîikubira ibyo byîizâ.

Gutêerana ubuse byô mu « Ikîivugo kîimfîizi » biri mô kugereka ku batêgetsi bakurû bîgihûgu ibirêgo biremêreye byaâkururiye Abanyarwaanda akaâga nâkaândaare  mu rwêego rwûbukuûngu, rwûbutêgetsi nûurwûmutêekaano. Kwîisubira hô nô kwîikosoora ntîbigishobotse. Umukîro uzaava mu mahiinduura azâazanwa na demokarasi murî poritiîki yâmahyaka meênci. Ikiîzeere kyûmuhaanzi ntâa waâhamya kô kizâagera aho kikaba impâmo nîmpanuuro !

Rewôporîdi Munyakazi

Voir aussi: – Extraits par Eugène Shimamungu: Bangaheza « Icyivugo cy’imfizi »,

- La page « Culture et Société« 

Bangaheza « Icyivugo cy’imfizi » (Gasimba Farasisiko Saveri)

( Extraits Présentés par le Dr Eugène Shimamungu)
I
Bangaheza yari imfizi
Ivuka mu nka nziza cyane
Fondateri bamuhaye
Mu bihe byeguriwe imishinga
Bamwishimira ko abatangirije
Imishinga indi akayitaha

Bangaheza yari imfizi
Ikwiye kwitwa igitangaza
Umunsi itumijwe ubwo yaruhukiye
Ku murambi wa Nyarushishi
Ihageze bose bavuza induru
Abaje mw’isoko barahurura
Bamwe batera amasengesho
Asa n’animasiyo uko muyizi
Bahimbaza Bangaheza
Ariko batazi ko ariko yitwa
Abayiri hafi barayakanura
Yabakebuka bakikanga
Nayo ikareba nk’ijya guseka
Ngo badakomeza kugira ubwoba
Ariko bakomeza gutangara
Bati iyi si ingwe yo muri Nyungwe
Ahubwo ni ingagi y’ibirunga
Cyangwa ni inka yo mu mishinga
Yitwa ingweba mu gifaransa.
umwe ati oya rwose mwitubeshya
Ifite umubyimba munini cyane
Yaba ari inzovu ya Muvumba.
Umujyanama wiyamamaza
Akaba anashaka kuziyongeza
Bimuha umwanya wo kubaryarya
Ngo yimamireho makeya
Ati nababwiye intego zanjye
Ko nzateza ubworozi imbere
None ngaho nimwirebere
Aho amajyambere nyagejeje

(…)

II
Ubushize twasize Gasimba ataka Bangaheza ikimasa cy’inyama nziza, ubwo cyakomeje urugendo rwacyo kijya Rebero nako Ijabiro ku Kimihurura  bakesa hasi barakibaga.  Mwiyumvire namwe uko Gasimba avugana ubuhanga bwinshi intambara yo mu mu kwakira 1990, bamwe bifitiye urundi rubanza   (…)

Ubushize twasize Bangaheza bayitetse ihumuye, Fondateri asabye abaje ko mbere yo kujya ku meza, bagomba kwiga ikibazo cy’ingorabahizi cy’imbonezamirire. Ariko Bangaheza uko yagatetswe yanze yahumuye, abatashoboye kugera mu Busitani butagatifu batuma izuru kuri ibyo byiza, n’ufite umugati akawuhatunga akawurya uhumura uko abishaka! Mu Busitani butagatifu baricaye!

Twikomereze « Icyivugo cy’imfizi » cya Gasimba Farasisiko Saveri

Ubushize twasize abatoni bageze mu busitani, ikimasa Bangaheza barangije kugiteka bagiye kwiyakira. Ariko Habimana akomeje kubatinza avuga ikibazo cy’imirire, kandi benshi amaso (nako amazi) yuzuye akanwa. Bamwe rero ntibatinye kujabura intongo, mu gihe abandi bakomeje gufata ijambo bavuga imyanya ya Bangaheza bifuza.

Dukomeze Bangaheza « Icyivugo cy’imfizi » (Farasisiko Gasimba)

Mu Busitani butagatifu, twasize ubushize Bangaheza bayimereye nabi, ariko bamwe bakomeje kugira ivuzivuzi. Twari tugeze kuri Gasana Gemusi, icyanwa kijojoba isosi, ashaka ko Bangaheza bayimuharira, yiyama abashaka kumurigata. Reka nanjye ne kubatinza!

Dukomeze « icyivugo cy’imfizi » cya Farasisiko Gasimba

Ubushize twasize abashyitsi bashyashyanye mu Busitani butagatifu bariho bihereza Bangaheza ikimiramirane. Nibwo Nyirasafari akitse imirimo ashyika ku gatebe atera akaririmbo ka Napo ashaka gukangurira kutabyara indahekana. Ubwo abaraho baramutwama ngo abazaniye amahamba abarangaza kandi umurimo bamushinze wo kubagaburira atarawurangiza… Reka twumve Bizimungu, Nsekalije, Ntahobari, na Karenzi.

***Impaka zikomeje kurimbanya
Na Nsekalije yiha ijambo
Ati oya nimumpe iyo nkono nshoneho
Inkoko n’ibyo byibo byanyu
Jyewe ndumva nabihaze
Inkono zikokorwe n’abagishonje

***

Sinzi uwongeye gusaba ijambo
Ati have mpekenye ngifite akanya
Jye no gusangira ndabitinya
Amashyaka twanze aranga akaza
Agiye kunyubikira imbehe
Yanga uwanze amacakubiri
Watumye ndyamira miriyari
Ndetse ndi hafi gukuba kabiri
Abanjye bose nkabatetesha
Naho abatindi bavuza induru
Kugeza yuko babura umwuka
Ibindi byose ni amashyengo
Mumpe ku iyo Bangaheza

Ubu aho ngejeje ndahumvise
Jyewe Ntahobari Morisi
Ahuuu, nuko nuko ye bako
Reka nduhuke ntahe i Butare
Njye kubaratira ibyo nashimye
Mbega itungo ritunganye
Mbega umwami w’inyama zose
Kubura inganzo ngo nkuririmbe
We gisimba gihimbaje
Imibare nize yamariye iki?
Kubona rwose mbura amagambo
Ngo mpimbaze « Munopfu mwiza »!
Singushimira mu iriro
Ibyiza byawe umuntu yinikiza
Kubyunamuka bikanga
N’amafaranga y’uyu mwaka
Twari twageneye amashuri
Uwayaguramo impfizi nyinshi
Zimeze nk’iyi Bangaheza
Tukajya duhora tuzihemba

***

Uwo muyobozi wa Kaminuza
Niba arangije mumbwire
Uwo ari Karenzi waka ijambo
(Bati ni mwumve umushi ku kaboga!)
Arivuga agenda asasira ingingo
Asoza ibango nk’uwimyoza
Ahamagara ba bagore bagabura
Ati nimukomeze munyegereze
Wenda byatuma nzana akabiri
Ngakira abantu numva hanze
Na Nyiribanga yabihamije
Ngo nsebya Muvoma kuko ntabyibushye
Kandi ingenera ibya mirenge
Nkarutwa n’uhorera imbogeri
Ni ntabyibuha ubu ndagatoye
Bazandyoza Bangaheza

(Tuzakomeza ubutaha)

Dans la même série: Présentation et Explications par Professeur Léopold Munyakazi, La page “Culture et Société“,

INDYOHESHABIRAYI UMUVUGO VI

Urugendo rw’iyo Ngurube, kuva i Kabgayi kugera i Kigali; itesha Abatware imirimo bagenda bayihatsweho.

Inyumba iryohera n’amaso
Amerwe akica aho itabazwe
Ndavuga izongesha abarebyi!
Ngiyo intamati ihaka Abatware,
495 Iya rwikundwaho n’abasilimu.
Iyo basamarira bayirabutswe,
Iya rwikanyiza abo Batutsi,
Umunsi ihinguka i Kabgayi
Abo mu Marangara ikabakaza ipfa,
500 Yarahatinze cyane Haguma,
Akabya guhanga iyo nzovu amaso,
Aritegereza aratangara,
Intege zitaha arazihebura;
Atumiza igare ryo kujya i Nyanza,
505 Kwaka uruhushya rw’i Nyarugenge.
Bati: « Urarwakira ubusa cyane,
Kuko Isabukuru yegereje, (14)
Mukaba mwarabihagariwe;
Ube uhengeranije icyumweru! »
510 Ati: « Narushakiraga indi mpamvu,
Ngo mputere amasiga muyaga
Nyifatire ahagana ku Ruyenzi (15)
Tujyanirane nyizihirije! »
Bati: « Ese ni iki uvuga Mutware? »
515 Ati: « Munyinjira iki muyizi,
Ko ari yo ndondogoza-barebyi! »
Na we Atanazi ari we Kanimba, (16)
Apfa ayo kuyibona ibungabunga;
Iby’urwo ruhusa biramurenga!
520 Icyo yiringiye kirasohora:
Ingurube ihingutse i Nyarugenge,
Izembagira Abakuru mu maso,
Habura uwibuka kumutota!
Uwitwa Mfizi ari we Alfonsi, (17)
525 Yari yagiye migezo nk’ukwo,
Ubutoni bw’iryo tungo rinini,
Burangaza bene ubwite
Isaruti abahaye iba iy’ubusa:
Kuza imbura-gihe kwe n’imirimo,
530 Abyizigura nta hazabu!
Umwete w’abakuru waragiye
Uhugira ku ngurube rubunga:
Ifata mu maso barahumiriza!
Naho ubwo Semugeshi i Bufundu (18)
535 Asanga Rwitsibagura mwumva, (19)
Afatiye Birasa ahagana i Nyanza (20)
Bari ku kirari cy’iyo ngurube,
Bamwingingira kubajyana.
540 Uwo mu Bufundu akaba anywa itabi
Ariyumvira bimara umwanya;
Ubwo aribwira ati: « Ntibagerayo
Turayisangira barye byinshi,
Mbe nitubirije umugabane! »
545 Ashyiraho akenge arabahakanira,
Ati: « Ibyo biranyereka ko mwembi,
Iby’iyi modoka mukibibarirwa!
Uko muyiruzi iyi iragatsindwa:
Igira amanyembwa aruhije ubwenge!
550 Yumva abantu bayinjiyemo,
Abatari jyewe ikabahishura!
Ikanywa lisansi vuba na bwangu
Igasara nk’iyasinze, igahwera!
Nkazagomba kugura inshinge,
555 Nkaziyitera igahembuka!
Kuyibashyiramo byaba rwana,
Si ibigeragezwa ku rugendo!
Yadupfana aho tuvugiye aha,
Ikadutamaza bikadushobera!
560 Icyakora mwantuma guteguza,
Ndetse mukandika nk’ibaruwa
Ivuga ko mwaba mutahasohoye,
Ingurube ikicwa mukiri mu nzira
Nahabwa igaburo ryanyu
565 Ngapfa kugerekeranya ku ryanjye
Ngo ndore iherezo ukwo byagenda,
Umuntu w’imfura abyihase
Agashira inyota y’iryo tungo
Bita « Indyohesha-birayi! »

Posted by BANGAMBIKI at 9:37 AM 0 comments

Labels: indyoheshabirayi

INDYOHESHABIRAYI UMUVUGO WA VII

Igeze i Kigali mu birori irabitegurirwa: Umwami n’Abatware bayikikiriza ku meza hamwe na Bwana Rezida.

570 Mugabo wo mu mbira z’i Buzungu
Wa rwitahira mu Bahinde,
Ingurube iryoha kurusha byose,
Iya rwinopforwa karindwi,
Nkunze intamati y’inyama itoshye,
575 Iya rwikundwaho n’Abazungu
Ahari mu nda igira sukari!
Abanyankweto yarabararuye;
Barayikunda byabashabije!
Abatanirije bayirya ubwoya:
580 Amagufwa yayo ntibayatanga,
Barayajundika iyo bagenda;
Amatama yabo ni aho aturuka.
Ije kuba icyaduka i Nyarugenge,
Abakuru bose barayishima.
585 Ijyanwa mu nzu bimara umwanya,
Ntiyanasohoka bimara umunsi;
Ibyuma by’inkota z’indayi,
Bihava byambaye umwisheke!
Abakozi baho ukwo nabarabutswe,
590 Umwura batobye wari mwinshi!
Ngo bucye ibirori birasakabaka,
Birasamaza biba urugera!
Abakuru bose ukwo nababonye,
Babyizihiza bari nk’abandi:
595 Umutima wabo ukaba ku kantu!
Isaha yegereje amashoka,
Ba Madamu batuma umuntu:
Aje arabarembuza baragenda,
Ayo mazu meza barayataha!
600 Barahonongera mu bibanda,
Ibyo bifafari barabifunga!
Nuko Rwitsibagura araza, (19)
Acira ifudika ari ku muryango,
Uko yagatashye iryo juru ryabo
605 Arabukwa ameza aho adendeje:
Yumva yirukwa mu birenge,
Umutima usaba ubugwa-neza
Umuhogo wuzuramo urugwiro
Inzoka yo mu nda isamuza umwuka,
610 Igira ngo jorororo mu ibondo
Yumva ahongobotsemo ibintu,
Agira ubukirigitwa umunwa wose,
Azana udutwenge aramwenyura,
Abwira abandi ati: « Karabaye! »
615 Naho ubwo Rwampungu aratamba!
Abona isahanu ahingukiyeho,
Arayivumerera uko bisanzwe
Ajya kuyihobera baramubuza:
Barazigaziga ararorera!
620 Ahaguma akanya ariruhutsa!
Amatsiko amweguye arora ahandi:
Abona isahani ipfukuye neza,
Ifite urugara nk’urw’intango!
Umufa uyicagase arawureba,
625 Abona wahindutse urunyenyeri!
Asiga iye ya mbere aza awusanga!
Birasa ati: « Uba uroga Umwami! (20)
Nta bwo ureba ko iyo sahani,
Ari iy’umuntu wo mu kizungu,
630 Wize kera kuba umusirimu?
Nta bwo wamenya kuyikaya
Ngo uyumvishe ko wayishegeshe
Yireke nyende jyewe ubizi
Wekudondoza iyo mihore! »
635 Uwo mu Bumbogo abita hirya,
Ati: « Reka nsizane ku rubanza,
None ntasirimutse nka we,
Iri tama njunditse rinigirije,
Ndora rihwanye na karavati
640 Ryampa icyicaro ku ngurube,
Simpatsimburwe n’abakweta! »
Ni bwo Umutware wa Nyantango (22)
Yinjiye abakurikiye hafi:
Ayihamya ijisho rurumirana.
645 Ijwi rye arirangurura adatinya
Atera hejuru by’imvaho,
Ureke iryo bamwise ry’impuha;
Ati: « Ni yo nta shiti ni ingurube!
Ntisamaza mu gihagararo;
650 Nyamara uyorosoye ubwoya,
Itera ubwuzu bw’urukirigite,
Ukabona usagutswe n’ibineza;
Aho bayibyagiriye ku meza,
Ukajya ushyugumbwa kuyagaza! »
655 Abo b’inkwakuzi ngo bahoshe,
Abandi bose bizihira inzu:
Babagabira intebe zo ku meza!
Nta rugamba rubura intwari
Majoro arwicara ku mukondo,
660 Umwami ateka ijabiro ryarwo.
Ababegereye mu cyubahiro,
Babajya hirya, abandi hino
Barema uruhushya rw’isangane,
Mbona abasaza barimo Nturo, (23)
665 Ujya abasemurira ku Muzungu,
Ari Rwubusisi nyiri Ubuliza, (24)
Dore ko acanganye muri byombi:
Ni umusaza wazungahaye!
Majoro ati: « Abasaza uko mbirora,
670 Ntitubahatire guhumana!
Babahe akayoga mu biro byanjye
Tuhabasange isamunani! »
Mutara ati: « Untanze inama yabyo,
Nari ntegereje kubivuga!
675 Kugundira abanyamurava,
Ukabakoreshaho iby’umuvundo,
Biba umugayo ukomeye mu Rwanda!
Ubukuru bubatera guceceka,
Ngo wibwize ubupfura na we!
680 Ingurube bayinena bikabije,
Bakirinda kuyihunza,
Ari ugutinya amakuba kuri mwe! »
Uwo mu Bwishaza arora hirya (25)
Yanga kwumva ukwo bamuhenda;
685 Agira Simoni na Rwubusisi, (26)
Ati: « Sinkunda ko bampeza!
Mparaye irindi zina kuri ubu,
Iryo bampimbye Rukenyangurube;
Gukenya inkware narabizinutswe! »
690 Kamuzinzi akebuka Umwami, (27)
Ati: « Abasaza mubahe amayoga,
Ni yo bakunda bari mu birori!
Nyamara ngusenge uri nyiri u Rwanda
Ungabire imyanya ya bane muri bo! »
695 Mutara ati: « Imyanya sinyitanga,
Kuko nshaka kuyikubira!
Bambe Umwami nta bwo agabura! »
Kamuzinzi agira ikimwaro;
Ngo akikure azinga icyanwa;
700 Akaraga azungije mu gahanga;
Ati: « Ni jye utegeka Ubugoyi bwose
Ushaka itabi ampe iye sahani! »
Majoro ati: « Nturo ga muhaguruke!
Babahe ibyicaro bibakwiye,
705 Na twe twigire mu byacu! »
Nturo ashaka ukwo yasubiza
Biramugora akebaguzwa arira!
Yari yabonye ibintu byiza
Ukwo byakuzuye amasahani!
710 Ubwuzu bwabyo bumurya mu nda,
Akanwa ke kuzuramo amazi,
Avuga mu muhogo hari ikiniga
Amaso azengamo amansonza.
Arangurura ijwi arahira Kigeli,
715 Ati: « Reka Bwana winkubirana!
Ndi umusaza nkaba mu byacu,
Nyamara nkigimba n’ibyanyu!
Sinabeshya imbere y’Umwami,
Sinaryarya abagabo ndi undi:
720 N’iby’ingurube ndabivuyanga!
Sinagenda wenda umfunge,
Cyangwa wigirire ukwo ushaka! »
Igihe ataragusha bamwumva,
Babona Rwabutogo araranganya, (28)
725 Afurekana umunya mwinshi!
Bamushiganuje ukwo bigenze,
Ati: « Nahugiye ibyo kwumva Nturo,
Nsanga bantwaye isahani
Iriho imihore iteye ubwuzu:
730 Bayikururira kwa Rutsinga, (26)
Bampa iye iriho intongo nkeya! »
Undi ati: « Urapfusha ubusa amagambo!
Nkozemo kabiri indiba iragaragara!
Isa n’iyiriwe imbere yanjye! »
735 Kalima ati: « Erega Karyabwite, (30)
Amada yafodotse ni inkeke
Nta bwo ashobokera mu rugendo!
Ibyo bandembye nta kavuro,
Umenya ngo ntereye inyuma yanjye!
740 Wangerurira iyo sahani,
Wowe kuko imbavu zarenzwe! »
Undi aramusubiza ati: « Watuza!
None ntengase mu idoma,
Amatama yawe yo ko adahokwa?
745 Ahora agutengarana iyo ugenda,
N’urwo rwakanakana ruje!
Uranatubeshya si ukubyibuha:
Uhora ubijunditsemo amarenga! »
Rwaburindi, Rwabukamba, (31)
750 Na Bisamaza nyiri Ubukamba,
Baza buhanya batinze
Ngo: « Mwatindiye iki bahungu? »
Bisarinkumi ahuta gusubiza (32)
Abigira mu izina rya bose
755 Ngo: « Twahangariye izuba,
Ngo ridukamure ubuhage
Bw’ibyo twizaniyeho impamba! »
Rwabukamba ati: « Emwe si wowe!
Ko ubibabwiye se utabakinze,
760 None bagerura ibyacu,
Ngo aha twijuse iyo mu menyo?
Niba ari byo ntitwahoanye?
Rwaburindi azana igihama,
Amira umuhore atawukanje:
765 Ugeze mu muhogo haba impatanwa;
Asepfura cyane ajya iwa kajwija
Asamba asumira Rwubusisi,
Ibyo yamenyereye gufata inkingi
Iyo anizwe yicaye mu kirambi!
770 Akoma igipfunsi aho byatumbye
Ingoto irahokwa birururuka:
Ingurube ihoroba ityo ibutagarukwa
Igira ngo dumburi mu idoma!
Ariruhutsa asesa amarira,
775 Ati: « Yambabaza, yabigira ite,
Ndayiheraheje ni byo bizi!
Ubwo yegereye umutima wanjye
Ugiye kwicara hamwe mu nda! »
Na we Ntaganda arisihinga (33)
780 Ati: « Ndabitirirwa kurya ingurube
Ushaka kurora ukwo babigenza,
Azane isahani ye mwigishe:
Turayicuranwa bya gitutsi,
Sinza kworeza ukwo bisanzwe! »
785 Rwamuningi ati: « Wirata! (34)
Amaboko ajigita ingurube igahora
Ugira ngo uvovore imihore
Ndayagushumbije urabiruzi!
Sinahoze nigisha amashuri
790 Nkanswe ibyangize Kalisimbi? »
Ubwo Fransisko Nzaramba, (35)
Abona isahani y’icyiyuhize
Iriho ibitongo by’uruvuteri
Afata mu maso abiroha mu nda
795 Amagufwa n’umufa byorerera ko
Nta ndamyi yasigaye bishiraho!
Nuko Nyangezi arababwira, (36)
Ati: « Simbasha kuroha nka mwe!
Mbona mucuriranya ubudatuza
800 Nkumva nshengurwa n’intimba
Nzira gusazira mu bututsi:
Umuhogo wanjye ugira inda ntoya!
Icyanjye mwampa uruhushya mwese,
Nk’utwo nsaguye nkatujyana,
805 Nkazitondera ku kiraro,
Nkifatishiriza ibigori!
Erega na mwe muri abana!
Nta we uryoherwa aroha bwangu!
Iyo ndi jyenyine nditonda:
810 Bampa ingurube nkagira ubwuzu
Imbabazi inteye zikaba inyanja,
Ziruta iza nyina wayibyaye:
Na mwe mwumvire aho bahungu! »
Biniga abangikana na Mbaraga, (37)
815 Barushanwa bunguri biratinda:
Umwe amira intongo akeba umuhore,
Undi aroha mu nda ukwo byakaje
Umwe abira ibyuya by’uwo murimo
Undi amaze kwagirizwa n’impumu!
820 Rwiyamirira ngo abigane, (38)
Aranigwa cyane amarira araza!
Ubwo arayura yaba imbere ye,
Ubusa ahasumiye buramubisa,
Afata ikirere akanura amaso:
825 Agumya gusamba iramwesura,
Agugura ku ngiga y’umuhore!
Na we Gitefano ngo amurebe (39)
Aratangira arirahira,
Ati: « Ko wabaye mu Bafureri,
830 Icyo gihe cyose wize ibihe?
Nahoze ngirango uzanyigisha,
Naho uracyanigwa n’Abatutsi? »
Bideri ati: « Wirenganya umwana, (40)
Ibyokurya ingurube aracyabyiga!
835 Umaze kurunduka ntakanja:
Ahirika bunguri nka Kalisa (41)
Cyangwa akarora Kanyangira, (42)
Ukwo amira avuruganya iyo mihore. »
Na we Kalisa ati: « Urabashunga!
840 Ujya kuba intyoza bigira interuro;
Aba yarabanje kuba mu Rweya,
Cyangwa data se ahegereye,
Nk’ukwo na we wahoze iwacu!
Akaba nyamunsi iyo mu mparage,
845 Akamira isatura n’amasirabo,
Amafumberi ntayanene!
Yaba atumiriwe nk’ibi birori
Akaroha ingurube nk’ukwo undeba
Akarusha isirimu kuhaba ingenzi! »
850 Kanyangira yanga guhigwa,
Ati: « Aho Kalisa ntiwirata?
Izo washyikiriye ukazigiraho,
Si imiranga ngusagurira,
Jyewe utuye hirya yawe?
855 Ntiwumvise n’ukwo andatwa,
Agira ngo mvuruganya iyo mihore?
Dore ngutsinze impaka bareba,
N’ejo utanyuburaho imanza! »
Nuko akwegurira isahani,
860 Inyama z’ingurube arazagiriza:
Zipfa urufaya rw’itatabya,
Umuhogo ucuragira ubudatuza,
Usohoza iza mbere muri barohwa
Ugaruka kwenda izo ahirikayo,
865 Awugira rwajya, awugira rwaza:
Abakiza bose ngo: « Uramutsinze,
Uri umuhanga wo kumiraza! »
Na we Simoni wo mu Mirenge (26)
Ategateganya ibyo yahawe;
870 Agira n’ubwuzu we aravumera!
Ukwo agira imbabazi akora isahanii:
Arigata ku ntoki hato na haho!
Abwira Umwami ati: « Icyo ntegereje
Urampe umbwiriza ukwo bigenda!
875 Dore Mikayire wo mu Busanza, (43)
Yize cyane mu Bafureri!
Arabirika imihore adahwema
Yanigwa akungirikanyaho ibindi,
Akaroha mu nda iyo bikagenda
880 Nguwo umwalimu nkwisabiye:
Ndumva nshaka kumwigana! »
Ndora na Fundi wo mu Rusenyi, (44)
Iyo nyoni ishaje ikiri ishashi
Izina yaryiswe ko riba umuntu
885 Ahaga utubondo asa n’agapira!
Na we Karoli ari we Rubayiza, (45)
Ahabura icyicaro yatinze;
Asaba guhabwa intongo hose:
Umwe akamuvungurira nk’akantu,
890 Ingurube isabika udutoki twose!
Ahawe isabune yo kuyikaraba
Ahinda uyizanye n’amazi;
Ati: « Inzira yose ndi buzirigate
Kuko naje nta gahamba! »
895 Rutamu abwira uwo mu Buhanga, (46)
Ati: « Usabe imbari z’iyo ngurube
Ufate neza ndi bukubwire!
Amazi ashyushye uri ku kiraro,
Bambe ndahoze uri bubirebe. »
900 Gashugi asubiza abiseka cyane,
Ati: « Ibyo anyigisha yibagirwa ukwe:
Ni jye wabanje kubimutoza!
None wibutse ubwo buhanga,
Umutsima w’ayo mazi se uri he? »
905 Nuko Rwubusisi abirebye, (23)
Yata inzasaya zirakunda
Inyama ayidonda mu maraka hirya,
Umuhogo uhorahoje biracweza!
Bati: « Erega urabikorana ubuhanga! »
910 Ati: « Ni cyo cyatumye ndondereza!
Mbanza intongo ipfa nkaritsirika,
Igihe ngiteganya iz’imihore!
Bose bamara kurya ibyabo,
Nkabanokeshwa nkayikuza! »
915 Amiragura nka gatanu Kamali (47)
Aheta umushyishyito nyamunini
Yari yabikiye kwikuza!
Ukwo yakawiroshye mu nkanka,
Isibo y’ingurube ikina mu muhogo!
920 Urwano narugiriye amakenga,
Ngo biratengukana bijyane,
Inzira yabaye agahombane!
Na we Mukarage arigata ibyuma (48)
Ahinira ku nkokora amashati;
925 Inzara z’ingurube akazumutsa,
Yanga kuzipfusha akamama;
Aye masahani aranayakomba!
Sinzi uwamubajije aho atwara,
Gasinya asubiza by’ubuvugishwe, (49)
930 Abihusha cyane abica iruhande!
Ati: « Urashe icyitso ubivuze imvaho!
Iryoshye ukwayo ntumubeshye! »
Ryumugabe abwira Kaberuka, (50)
Ati: « Ukwo iyi ngurube ifite ikinove
935 Nayitangira mu gitondo
Bukagoroba maze uruhande! »
Undi ati: « Ndaguhebye uri akanyanda!
Jye nayanzika mu museso,
Nko mu mashoka inkono nkayeza! »
940 Muregancuro abwira Katabarwa, (51)
Ati: « Ifite aho yandutiye ibitari yo!
Uyimaze, itera umunwa uburyohe,
Ibyo ukabigendera bigatinda! »
Undi ati: « Nagirango ntiwabibonye,
945 Cyane cyane iyo ugize Imana
Mu rugo bose bakayinena,
Ukayibumbaho uri rukumbi! »
Na we Kanobana ubwo arashega, (52)
Agira Munyaneza w’i Buyaga:
950 Ati: « Enda dukomeze turohe mu nda:
Dore Muganga ari butuvure! »
Undi ati: « Muganga uyu w’Umuzungu
Yandusha ubuhanga bw’ibindi,
Naho ureke ubw’ivutu rinyarwanda!
955 Aho nacumbitse namenyereje
Naratatishije sinahubutse:
Ibigega byaho ni bitatu bishya,
Imisoto nayimenyereye kera! » (53)
Na we Ruhorahoza ngo ayihage, (54)
960 Inda ye imusagukira mu menyo
Agira Butare uyu Godifiridi, (55)
Ati: « Iyi ko ari uburiza turoyeho,
Izo mu ishyamba birutanwa bite? »
Undi ati: « Iy’ishyamba ibuzemo itoto
965 Igira n’umwuka nk’uw’impongo!
Imibi yakwaganya wahaze,
Ukabona utuze urushyambashyamba! »
Undi ati: « Enda kora aha ubivuze neza
Iyi yanjyanye agatima kose! »
970 Na we Fideli wo mu Bunyambo, (56)
Ahaza abangamiwe mu maso,
Ari iby’Umuhima ukunda injome,
Akanga kwica inka ze amabere!
Umwami ati: « Dore uwo Munyambo
975 Unennye ingurube, tugize imana!
Amata ari hehe akayagotomera? »
Ibyo abibabwira yica ijisho!
Injome bayitumiza uwo mwanya,
Umufa w’ingurube bawucuriramo!
980 Ngo bamuhereze ntiyareba:
Akubita ku munwa rurumirana,
Twumva abirohana inkubiri,
Bivuga gorogoro mu nkanka!
Biba urusumo umuhogo wose,
985 Acurira hasi iyo mu kizenga!
Ati: « Amata y’ino aruta ay’iwacu!
Muranywe nk’aya aho kurya ingurube
Mwabikomeza mwahumana! »
Giti mu jisho agenda arata,
990 Inka zahumujwe amata nk’ayo! »
Rwigemera ashize inkubiri, (57)
Akora umukandara aradohora,
Agatebe aragashikamira ukwo ari,
Ati: « Uwabwira Majoro ijambo!
995 Wenda atware inka atsotsobe,
Agabure « Indyohesha-birayi! »

Posted by BANGAMBIKI at 9:36 AM 0 comments

Labels: indyoheshabirayi, ingurube

INDYOHESHABIRAYI UMUVUGO IIII

Urugendo rw’iyo Ngurube, kuva i Butare kugera i Nyanza: ibambira umuhanda, modoka zibura inzira.

280 Ingurube iryohera mu misango,
Iya rwisumbura ku ntama,
Nkunda impogazi y’imihore,
Iya rusukirwa n’abo mu nzu.
Isonera amenyo y’abayishiha
285 Ikarusha isake gushya mahwane
Igira imihore rutagugumba,
Igera no mu nda igahwekera:
N’uwayiriye agaheza utubavu,
Ntagugarirwe yabera.
290 Umunsi Padiri uwo ayitanga,
Yaje u Bwanamukari ihaze,
Ihaga amabondo iziba imihanda
Mashuba zose zirahagarara,
N’abadereva baracemererwa;
295 Baravunura bajya i Buzungu
Kubasiganuza inzira yindi,
Kuko iyabo ifunze neza;
Ingurube yuje no mu miserege,
Bakaba batageza kuyikikira
300 Ngo iruhande babone umwanya.
Arabibasubiza uwo mu rukiko
Ati: « Reka mwihimana se na mwe!
Nta mihanda ibiri naharuje!
Mpimbe uwundi se mu kirere
305 Ari ukugirango mbone aho ndara?
Nk’icyo kintu se nkigire nte?
Nta bwo muzi ibirori byacu?
Cyatumirijwe kubyizihiza
Na njye nzagenda ejobundi
310 Negutangwa aho bagiketa.
Nimugikurikire mwitonze
Mwige intambwe nk’iz’abantu
Aho kizishinguye muhaze,
Kugeza aho kiribuze kurara
315 Ubwo kiraseduka mu muhanda
Muhutere mujye iyo mwenda!
Na mwe mwigira ako gahinda
Kirabagora iby’uyu munsi
Nta we uzongera kugitunga:
320 Icyo ni icyaduka kidahoraho! »
Ingurube igomagira umuhanda,
Iwuca ibitengu henshi cyane,
Ari n’ikizuru ari n’ibibari:
Intambwe zayo ziranihurana,
325 Isi kiziteye iratengerana,
I Nyanza bumvise imirindi,
Induru nyinshi zirasahaha!
Icyo bikanze kikaba imvaho,
Icyo baketse ari ibihuha:
330 Bo bikanze igishitsi cy’isi,
Naho iyo ngurube ari yo ibiteye.
Byanze guhita bararikenga:
Babanga amatwi barahuririza,
Babazanya indi mpamvu ibiteye.
335 Intumwa zikwira aharengereye
Barayirabukwa iri mu muhanda.
Bajya guhumuriza amashuri,
Ngo: « Nimukomeze kwiga inyuguti,
Mwegukuka umutima bundi,
340 Kuko impamvu itumye bicika,
Ari imashini yo mu Burayi
Igeze i Buhimba iva ku Ngunda. »
Ukwo cyegera barashishora,
Ya mashini ibamo igisimba.
345 Bamwe ngo: « Ni inzovu twabwiwe! »
Abandi ngo: « Reka mwitubeshya!
Inzovu zisanzwe ukwo tuzibwirwa
N’ubwo nyine tutazibonye
Nk’enye zaguranywa iriya! »
350 Babona umuntu uturutse urw’iyo
Bamushiganuje arababwira,
Ati: « Ni ingurube nk’izi muzi!
Ihanitse urwego ijya mu ibondo
Izibye umuhanda murabiruzi.
355 Ababona nabi iri bubagereho!
Ibyo biyikurikiye by’ibiyumbu,
Si ibibwana mutabikeka!
Ni amamodoka yabuze akayira:
Zayigaragariye bugisesa;
360 Ubu zirahindisha amahoni
Nyamara y’ubusa, nta cyo yumva!
Na njye kuyicaho ubu mureba
Ni uko ninyuriye iruhande,
Nca mu bisambu no mu ntusi,
365 Ndagota neza ngaruka hino,
Nza mu muhanda ndikomereza.
Abayirebye bacyitonze
Bahoze bagarura ab’impunzi
Ngo: « Nimugarukire aho muhinge
370 Si igisimba ga ba nyabusa!
Ni ya yindi yo ku rurembo
Abanyagikari bahezereza
Bayitekanye n’utunono,
Ngo ari yo « Indyohesha-birayi. »

Posted by BANGAMBIKI at 9:35 AM 0 comments

Labels: indyoheshabirayi, ingurube

INDYOHESHABIRAYI UMUVUGO II

Ingurube ikangaranya abashumba bo mu Muhozi

Intamati izimba ibinyamahembe,
Dore rukangaranya-bijumba.
85 Ndagiye inyumba y’ijosi rinini,
Iya rufuhira mu bishamba.
Ikaruta intama zo mu bakungu
Ikaruta n’inka zo mu Batutsi,
Ibyo nta n’umwe ukibyijana.
90 Ikarusha inyambo kuba urujuju,
No ku bicebute ikazibumba:
Aho ziba zamuje mu mahembe,
Izirusha umwijima wayisabye,
Umunsi itera abo mu Muhozi, (7)
95 Ikona imirima bukigoroba,
Yaje igambiriye ibijumba
Ijya mu mirenzo irahayogoza,
Ihorobya izuru iba igisongo
Igira ibisinde irabyerereza
100 Isiba imigende iraringaniza.
Imaze guhimbarwa n’umurimo,
Ihatsika izuru ihata ibitengu,
Ikubira hirya ikubira hino,
Icyuho iciye kiruta umurima,
105 Icukura haruguru igeza hepfo,
Amayogi yose iyagira intabire,
Imara ikirumba nticyarara,
Impumu zije ntiyabikangwa
Irazipfukirana itera ahandi,
110 Aho irahacumbika biracika:
Ikubitaho umutonzi yatyaje,
Ikoza ku bwoya irakubeta,
Iwukaza ubugi ngo butagimba!
Isonga ryayo irishyizemo ubumwa,
115 Ituruka haruguru y’ubuhinge,
Iterura irengereza imugongo;
Mu ruharuriro irahacukika,
Ruruta amayogi rurayasumba.
Abahahinze ntiyabaryarya;
120 Irimba, ibereka injumbure.
Yanga iby’amazimwe ya rubanda
Ihitamo kuhabumba rukumbi,
Ihagira inkuke yo mu nyambo
Abanyamuhozi ibahaka neza.
125 Imaze kurengeza imbavu zose,
Ibura uko yamiragura ibindi,
Igira ibijumba ibisasa neza:
Ku bya kandore iraharambya,
Ibya magabari irabyisegura
130 Ibya gisabo aho yabitinze,
Ibondo ryayo rirahashikama.
Ukwo yagakuye karunganwa,
Ihagika mu ijigo nk’ibitabi,
Nuko ubwangati buyiturutse,
135 Igumya gusemeka ubukungu
Ibura ukwo irambya birayigora
Ishaka ubwihina birayumya:
Nuko igangara ukwo yahagaze.
Mu nda hibyara amahane
140 Buba uruvuyange birahoga!
Ibiyoka byibuka kwigorora
Abantu bose bavuza induru,
Abararirizi ni bwo babyutse,
Babazanya iyo ntare iroha urwunge
145 Ngo : « Irarohera epfo iyo mu gishanga!
Kandi ubanza atari isanzwe:
Iyo rwabwiga ifite ijwi rindi,
Riruta ay’intare zo mu Rwanda!
Murabe maso itamara ibintu!
150 Abafite inka ariko murite hanze:
Yabatsembaho ayo matungo
Ejo mwarundurwa n’ubutindi
Ubwo mudatunze ya nka y’ubu
Bita « Indyohesha-birayi! »

Posted by BANGAMBIKI at 9:33 AM 0 comments

Labels: igisigo, ingurube, umuvugo

IMYADUKIRE Y’ABAZUNGU

IMYADUKIRE Y’ABAZUNGU
Cyahimbwe na Yozefu BIZURU w’i Rwamagana

Baje bambaye, bashaka kuza ino
Baturutse i Bulayi, bafunga isafari :
Bagiye gufunga, babanza imyambaro,
Bakora amakote, bayita imyambaro,
Barora amasanduku, bayita inkangara;
Bakora imikandara, bayita imyeko yabo;
Barora ibirato, babyita inkweto zabo :
Rutamu rw’umuzungu atekere!
Bareba imbunda, bazita imiheto,
Barora amasasu, bayita imyambi yabo;
Barora ibitoryi, babyita amabano;
Barora amabeti, bayita imitana;
Bashaka imbeneti, bazita inkota zabo nu :
Rutamu rw’umuzungu atekere.
Bareba amahembe, akaba amacumbi yabo;
Bashaka amatara, bayita imuri zabo;
Bareba imitaka, ikaba amasinde yabo nu :
Rutamu rw’umuzungu atekere.
Barora igitanda, bacyita urutara;
Barora amagodora, bayita amasaso :
Barora uburingiti, babwita ibirago;
Bareba ibibiriti, babyita inshingo zabo nu :
Rutamu rw’umuzungu atekere!
Barora isahani, bazita imbehe zabo;
Barora isafuriya, bazita inkono zabo;
Bareba amacupa, bayita ibicuma;
Bareba amakopo, bayita inzuho zabo;
Barora amabirika, bayita ibyansi byabo nu :
Rutamu rw’umuzungu atekere.
Bareba ifaranga, baryita amahaho :
Baryatamo abiri, bayita amarumiya;
Barora amakuta, bayita amahaho;
Bayatamo abiri, aba amasenge nu;
Bakoranya imiringa, bashaka imikwege!
Bakoranya za nigi, bashaka za ngoro;
Bafunga imyunyu, bakoranya imyenda myinshi nu;
Rutamu rw’umuzungu yaje ubwo!
Baje mu ndege, bagenda hejuru,
Baza mu meli, bagenda mu mazi,
Baza mu mashuba bagenda ku butaka,
Baza amatandi, bagabana amashinga;
Bakwira amahugu, bagabana amayira;
Bakwira mu isi yose, ntibagira ubuhungiro :
Rutamu rw’umuzungu akabivuga :
Bacyiza Afrika, babanza Hindiya;
Baturuka Amerika, basubira Daresalamu;
Bahita iya Nerobe, bagenda Mambasa;
Baza iya Kenya, basubiza iya Mwanza;
Baza Bushoga, bagenda Bukira;
Baza i Bukedi, baturuka i Bunyoro;
Baza i Buganda, Buganda bwa Ntebe :
Rutamu rw’umuzungu ataha aho!
Baza aka Ntebe, baboneza i Kampala,
Bagenda iya Mbare, baboneza Maziba;
Na Tala-Mariya;
Baza mu Rwera, urwa Buganga;
Baza Bukaya, bashinga Bukagata :
Rutamu rw’umuzungu ataha aho!
Bwarakeye nu, baza mu Koka,
Baboneza Mutemura,
Bagenda muri Gako, bamanuka Burahi;
Basumira i Nyendo, baza Gitovu,
Ingambi yabo Masaka
Rutamu rw’umuzungu ataha aho.
Bwarakeye nu, baza Kayaza na Kabuhoko;
Baza Matare, bagenda gikondo
Na Kalisizo yo kwa Kagoro :
Baza Burinda, na Nshambya kwa Titi;
Baza Bukira, bataha Cyotera ya Rwamucyoli
Ruta
mu rw’umuzungu ataha aho!
Bwarakeye nu, baza Mitebili na Karunduma,
Baboneza Shange, bagenda Gakuta,
Baza Rukoma, baboneza Busimbi,
Bataha Tukura yo kwa Safari;
Rutamu rw’umuzungu ataha aho.
Bwarakeye nu, baza mu Rubaya
Baboneza Mugambazi, baza Urugunga;
Bagenda Gitara yo kwa Nyamutura,
Baza Akanyanja, inkambi yabo Cyaka :
Rutamu rw’umuzungu ataha aho.
Bwarakeye nu, bagenda Gitundu,
Baza mu ibuga, irya Gitengure :
Binjira ishyamba, baza mu Kagwa;
Baboneza Gishogo, baza Gishahu;
Bagenda Bugene, bataha Nyagahanga :
Kwa Rumanyika, umwana wa Ntare
Akaba Umunyambo rwerure :
Rutamu rw’umuzungu ataha aho.
Bwarakeye nu, bamanuka Rwandara
Bagenda Rwambara, baza Turudodo
Bagenda Rwiibicunshu, bagoboka Gafura;
Bagenda Urukari; bamanuka Bweranyange;
Baza Akameyu, bamanuka Buragara
Bagenda inyanja yose, inkambi Kageyo :
Rutamu rw’umuzungu ataha aho!
Bwarakeye nu, bagenda Kageyo
Baza mu Gatojo, baterera Mubali;
Bagenda Miganda, baza Gasarabwayi;
Baboneza Urwuya, urwa Migamba;
Baboneza Byizitiro, baza Nyakurazo;
Inkambi yabo Nyamiyaga :
Rutamu rw’umuzungu ataha aho!
Bwarakeye nu, bamanuka muri Nyabombe,
Baboneza mu Irasaniro, baza Myatano;
Baturuka Kayenzi, baza i Kanyinya;
Bambuka Intaruka, baza Mukarange;
Bakomeza mu Iragwe, baza i Kabare,
Bagenda iya Ntsinda, baza i Kalitutu;
Baboneza Nyarusange;
Bakomeza ku Kabuga, k’imbere y’Abatwa
Bataha i Rwamagana :
Rutamu rw’umuzungu ataha aho!
Batumiye Sharangabo, ngo atange amaposho
Ari amazimano;
Ngo ashake izikamwa, ashake izibagwa;
Ngo ashake abapagasi, bajyane ibintu bye;
Ngo ashake Nyempara, agende imbere ye,
Ngo amugeze i Nyarugenge :
Rutamu rw’umuzungu akahabona!
Bwarakeye nu, bagenda Uruhimbi, urwa Gishali;
Baza ku Gasi, bagenda aka Ndago,
Baza i Cyimbazi, baboneza Cyarukamba;
Baturuka i Ntunga, bagenda aka Musha;
Bakomeza mu Nkira, bagenda Runyinya;
Bakomeza i Nyabagaza;
Baza Ruhanga, bakomeza Mbandazi;
Baza muri Rugende, ingambi yabo i Kabuga :
Rutamu rw’umuzungu ataha aho!
Bwarakeye nu, bamanuka Gasogi,
Basubiza mu Rudashya;
Baza umurindi, bagenda aka Ndera;
Bakomeza icyanya cyose;
Baboneza Kanombe, baza Remera;
Bakomeza i Gishubi, baza Kimihurura;
Bagenda Agatoke, bataha i Nyarugenge :
Rutamu rw’umuzungu arubaka.

Alexis KAGAME. 1949. IYO WILIWE NTA RUNGU.
Kabgayi, Rwanda. pp.167 -174

Posted by BANGAMBIKI at 9:32 AM 0 comments

Labels: gusiga, igisigo, imivugo, umuvugo

IMIHIGO YA KAVUMENTI NA LETA I

IMIHIGO YA KAVUMENTI NA LETA I
Cyahimwe na Yozefu BIZURU w’i Rwamagana

Umva ikobe. Umva inkomero!
Umva urwamo, ngaha barahiga :
Induru ni ndende!
Umva Kavumenti,
We na Mburamatare;
Batangiye guhiga!
Induru ni ndende!
Na we Kavumenti
Abanjije guhiga.
Ati :  » We Mburamatare,
Nkurusha ibintu,
Nkakurusha n’ibindi :
Induru ni ndende!
Nkurusha izi modoka,
Iza ruva-kwaya,
Zijyana isafari :
Izo ni Kavumenti!
Induru ni ndende!
Nkurusha amagare,
Yo n’amapikipiki,
Na gare-ya-moshi
Nabyo ni Kavumenti :
Induru ni ndende.
Nkurusha ubujyunguri
Buheka Abadamu,
Bubacubakana Kampala,
Bajya kurera abana :
Nabwo ni Kavumenti :
Induru ni ndende.
Nkurusha ishilingi,
N’impiya z’ingeri!
Nkurusha isumuni,
Nkakurusha n’ibyasha,
N’isende na hafu,
N’ubwapaburingi;
Nabyo ni Kavumenti :
Induru ni ndende.
Nkurusha Murefu,
Umugaga w’imali;
Yubatse Gahoro,
Ahakorera isukari :
Akayikwiza abazungu;
Na we ni Kavumenti :
Induru ni ndende.
Nkurusha na Radiyo,
Zikwiye amakambi,
Zigatwara amagambo;
Nazo ni Kavumenti :
Induru ni ndende.
Nkurusha n’indege,
Zigendera hejuru,
Zigataha i Bulayi,
Zigahuruza Abazungu,
Amakuba avutse :
Nazo ni Kavumenti.
Induru ni ndende.
Nkurusha na Daudi,
Ategeka u Buganda;
Nkurusha na Gahaya,
Agategeka mu Nkore :
Nabo ni Kavumenti,
Induru ni ndende.
Nkurusha Rumanyika,
Utegeka i Karagwe;
Na Kinyamazinga,
Utwara mu Bugufi :
Na bo ni Kavumenti,
Induru ni ndende.
Nkurusha na Ntare,
Utegeka u Bujinja
Nkakurusha Ruhinda,
Utwara ubwo Buhaya;
Kandi na Mboneko,
Utegeka Kiziba :
Nabo ni Kavumenti,
Induru ni ndende.

Posted by BANGAMBIKI at 9:32 AM 0 comments

Labels: Alexis Kagame

AMAHAMBA Y’ABUNGERI B’INGURUBE

Inzovu y’urwijiji rukabije ubujorojoro
Iya rujegeza-bijumba rwa semitabo,
Noneho amavubi arayarika mu bikobokobo,
Kira nyumba ya rukara rwa Majoro!

Rujugitira-bijumba rwa njunditse ibika,
Imvubu y’icyagane ya ruhungabanya-bitebo,
Isigaye itengerana umuraru wose ugatigita
Ikaba iya Rutare rwa SOMUKI i Rutongo!

Kivurivuri cya ruvungura-byavu,
Imbona-bake ya ruhingitirana-mubiri,
Ni ikitayega zishokanye umunihiro,
Ikaba iya Rukara rwa MINETE!

Ruhiniriza-kibero rwa sendahiriye,
Karisimbi k’amatungo ka ruhonjokerana,
Iyo basigaye bitiranya na ruva-kwaya,
Ikaba iya Rutare rwa Muganga.

Umuduga uhetse umubyibuho wa ruzimiza-mbavu,
Imponjoke yagurirwa amarembo ya ruhimbaza-barebyi
Isigaye ikinana ibicece mu icongori ry’ibifungo:
Ikaba iya rukara rwa Kurimpuzu, nzayibaga!

Gihirihiri cya ruhingika-bondo,
Inyumba irangwa n’umubyibuho ya ruvonyeza-bijumba,
Isigaye ibunda mu byambu ikabigomera:
Iba mu ngoro mu Rukari, aho zogerezwa isahani!

Gihiringitirane cyashiriyemo umurizo,
Mavuta-mingi ya rutenga-bondo,
Iyashinganywe n’abategeka-birori ba Leta,
Ifungiye i Rwinkwavu kwa Sovanye

Rubyagira-nzira rwa ndanze guhigama,
Intamati yamazwe ubwoya no kuneta ya rubyimbabyimba,
Iyo bakekaga umwingo ikarushya abasuzumyi,
Izigamwe na Misiyoni iruhande rw’ifumbira!

Yemwe ga bana baragiye mu bishanga,
Mureke zirenze imijumbajumba n’isayo,
Nizihaga zihundagarire mu bizenga:
Zidashongesha amavuta yo gukaranga ibirayi.

Kamena niboneka ntibahute kuzamburira,
Ahanini muri hoteri harazishaka;
Zirahaka amanoti n’ibikoroti mu mabondo,
Nicyo abasirimu bazikundira murakenge!

Kuyavuga si ko kuyarangiza inyuma:
Uwarata intendeza-matwi yakesha amajoro!
Za runihira zishoka nk’imvura y’umuhindo
Impini igaturika zikwira ibishanga.

Nimugwire Bikoko by’imva-burayi
Nimutungwe isanzure ntimukinenwa!
Nimutebanwe akamaro n’ibinyamahembe
Mubyirukane n’amajyambere y’u Rwanda!

Posted by BANGAMBIKI at 9:31 AM 0 comments

Labels: Alexis Kagame

INDYOHESHABIRAYI UMUVUGO WA VIII

Ibisingizo by’iyo Ngurube isuzuguza ibiribwa bindi.

Ingurube ivura inkono kubiha,
Ikagira ubwenge bwo mu bitekwa,
Iya rwiganza mu Misiyoni,
1000 Ncyuye indatwa yo mu bibagwa,
Ize mu rusange rw’abadutwara,
Ikunde iratwe muri rubanda!
Ivane intama mu isafuriya
Ikure isake ku isahani,
1005 Ineshe n’inka yo mu batetsi.
Amahene yose ave mu bikari,
Ikube ibyo bihugu ibe icyigenge,
Ivangwe n’imiteko y’imyaka.
Iyihe kuryohera Abanyarwanda.
1010 Ni rutsirika bubihe
Ikabutsura ikabutsinda,
Ikabutsemba ikabubumba!
Ni rubumba batetsi
Rwikunda ku mbehe,
1015 Rwiganza ku myunyu
Rwigenga mu bikari,
Ruhatunga burundu,
Rwikebera iyo fasi,
Ikayitunga nk’Umwami,
1020 Ikahabumba itavuguruzwa!
Ni ruhonjoka gitware,
Rwizihirwa n’ibondo,
Ni impogazi rubunga
Ya rutengerana ngingo
1025 Imvuruga-bisogororo
Ya rusaga sorori;
Ni inyumba rwabunga
Ya ruvonyeza-bijumba!
Ni ruteturura abagore b’impumbu,
1030 Rutuburira abibutse gucunda,
Ruhimbaza abakikije ameza,
Rusohoka ku isafuriya isaha isohoye
Rutavugisha impuha abo yaryoheye mbere,
Rutetereza abiratana inyama zindi,
1035 Rusendereza amasahani ukabikunda,
Rukorerwaho imisango y’isabukuru,
Rutumirirwa Abazungu iyo bava,
Rutera icyunzwe cy’uburyohe.
Rwinopforwa n’abahinyura ibindi,
1040 Rubahaga umubyimba ukaguka,
Rubatera umudigi nk’uwa nyamaturi
Ubwo yaturutiye iz’amashyamba,
Ikaba inaturuka kure h’ishyanga,
Ndariyibanje izina ry’ingurube
1045 Izajye iratirwa aho yabazwe:
Yitwa « Indyohesha-birayi! »

Posted by BANGAMBIKI at 9:45 AM 0 comments

INDYOHESHABIRAYI UMUVUGO V

Urugendo rw’iyo Ngurube kuva i Nyanza kugera i Kabgayi: bakeka ko ari imvura; uwahoze mu Buganda yemeza ko ari itanki irwanishwa mu ntambara.

375 Intamati ihinda nk’inkuba zesa
Iya rwitonganya mu gituza
Ndate ingurube y’umunihiro
Mvuge ruhinda mihumeko,
Umunsi iyobera abari i Nyanza,
380 Ikamenya bose byabagoye,
Iza i Nduga yose bayiha induru,
Ahanini igihugu gitangara.
Ije mu Marangara biba ukundi:
Yungikiranije umunihiro,
385 Bayikanga kuba umuvumbi.
I Gihuma hose bava mu mirima,
Bagana mu ngo birukanka
Ngo batanyagirwa bagakonja.
Abaseminari ubwo mu mashuri
390 Bakaba bameshe mu gitondo,
Baka uruhusa bararuhabwa,
Rwo kwanurira imyenda mu nzu.
Babigira ariko batangara,
Kuko ihinda ubutaruhuka
395 Kandi ibyoko biseka hose.
Abaje kwiga mu misiyoni
Imitaka yabo barayibamba
Abandi birukira amabaraza,
Abenshi bugama ku mashuri.
400 Ababuze ibyicaro batinze,
Bakikinga nko ku ntusi
Cyangwa ibindi biti bigaye.
Abagira isinde barayitaha
Abanyamagote bayajya mu nda.
405 Abatabigendana barasuma,
No mu rutoke rubegereye,
Amakoma yarwo barayakonda
Ngo nishoka bayikingire
Ah’igihimba n’umutwe byombi.
410 Igihe bakiri muri izo mpuha,
I Shyogwe hamanuka abantu itimba
Amaso yerekeye umuhanda.
Abari i Kavumu na Kabgayi,
Ubwo barashiguka ari yo bareba.
415 Ariyamirira imva-buganda
Asoza impuha yahoze ahimba;
Ati: « Nimurebe ngiyo tanki,
Imwe nababwiraga ntimubyumve,
Iyo Abongereza barwanisha!
420 Sinshidikanya ni yo rwose,
Ingamba zayo narazirwanye!
Nuko ndebera kure yaho,
Wenda nasanga ari rwanjye!
Ntimwegere irimo amasasu!
425 Yaba yenda ije kunyenda.
Kuko ikunda abo yamenyereye:
Murankingire itandeba,
Ngumye nsemurire abatayizi.
Iyo ntirwana irakaba ukwo iri!
430 Irasa amabomboma ukayikunda,
Irasa imizinga ikica ibintu,
Irasa amasasu yo mu mbunda;
Irasa n’imyambi mwumve na mwe! »
Irekura nk’ine aho iri hariya,
435 Ikagwa i Buganda ahitwa SSingo,
Cyangwa ahandi hitwa Cyagwe,
Ikica nk’abo bo mu Buremezi.
Nuko mwigumiye mu by’ino
Naho ibyo bihugu ni iyo gihera,
440 Dore ko ari iyo riterwa inkingi!
Indaro zaho ntabakabirije,
Ku byumweru ugira umunani.
Urebe tanki ko ari icyago,
Iyo Abongereza bagira ni imwe:
445 Izira iya kabiri aho yabera!
Nyamara kandi ukwo imara abanzi!
Ntugatererwe iyo ntindi!
Igira Abadage ikica icyenda,
Uwa cumi wundi ikamukomeretsa,
450 Imyambi yabo bayiyirasa
Ikarora hirya igatomera,
Ari amageza yifite mu nda!
Si imbarirano murabiruzi.
Za mashuba izo ziyihomereye,
455 Ni izi ndege mujya mubwirwa,
Zimwe ziguruka iyo zibishatse! »
Abagore bose bagira imbabazi,
Bashika bikubitira ihururu,
Bashungera baremye inteko,
460 Ngo: « Ego mama iyo ni yo tanki!
Aho se batindi murayibonye!
Yego mama twayibonye
Yaratubwiye uwo Munyarwanda
Twe tumukekamo ibyo kubeshya,
465 None ngaha turabibonye!
Yayisobanuye ukwo yayize!
Ego mwana w’Abazigaba!
Yego mama iyo ni yo tanki!
Yego mama iyo ni yo tanki
470 Yego ngiyo, shenge ngiyo! »
Abagore bose barasizora,
Impuha zibagishiramo idogo.
Haguma yumvise aza kurora; (13)
Ukwo yagasanganiye icyo kintu
475 Ati: « Iyo si tanki barababeshya!
Ni iri tungo tuzi neza!
Tukarikunda aho se bagenzi!
Uwo mufa wayo iyo uwushyikiriye
Ukawivangira n’ibijumba
480 Cyangwa uminjiriye mu bindi!
Birakuryohera ukabitsemba,
Wagira inyota ukanywa ubutitsa
Ufite kinini agashyira ku munwa
Ngo yibihire atawumyora!
485 Mutangare mutegereye
Mutayikanga bikankoraho:
Iratembera igihugu cyayo!
Ntitukiyita ga ingurube burya:
Twayihaye izina ry’intore
490 Ryo kuba « Indyohesha-birayi. »

Posted by BANGAMBIKI at 9:44 AM 0 comments

INDYOHESHABIRAYI UMUVUGO III

Majoro ayaka Abasilimu; na bo bayirega Abanyamishanana; hanyuma Ildefonsi Mutembe ayiranga kwa Bitugangando, mu Nyakibanda.

155 Inyumba isanga inzira iyo igenda,
Nti: Iya rubumbuza mu muhanda,
Ndavuga ingurube batagereranya
Iya rudacishwa amayira asanzwe
Si inyamaswa ni ikirunga
160 Uyibona iseduka mu isayo
Ugahuga ibyitwa gutangara,
Ukabura ukwo isa ugatayo utwatsi!
Jye nayobonye ukwo nayibwiwe
Umunsi irangwa impera y’igihugu
165 Igaca rubanda umukendero
Iturutse ahantu nje kubabwira.
Majoro agambiriye Abasilimu
Ati: « Mwe mutunze ingurube zacu,
Murazirunde muzinyereke
170 Ntore iy’urucece yijihije
Izazimanwa ibirori byaje! »
Baranasigana abahungu,
Bati: « Dore kwishwa imirimo ngibi!
Kuba abasilimu bo mu magote
175 Ibyo biragaragara ntibigihishwa!
Turakubwira gahwa mu rwondo:
Abadusirimukanye mu bwenge,
Benda ingurube bareka igote!
Bagumana isunzu benda isake!
180 Ingofero zacu barazitinya
Amagi aho atewe barakukumba.
Ukwo baduhenda turihoera
Baraturyamira tubireba!
Baba injajanganya bakuryarya!
185 Ukwo batunnyega ngo turafurebye,
Amata zihumuje bagateka.
Imineke bayimaze mu gihugu
Bakayisomeza aho n’inzagwa,
Ibyo Umunyarwanda yarabiziraga
190 None wibareka, nibaze:
Na bo barunde barazitunze!
Ntugakangwe na karavati
Abanyamishanana baraziturusha. »
Majoro ngo abyumve avunya Abatutsi,
195 Arabibabwira bagwa mu kantu!
Barigunga umwanya munini
Aho bigeze bati: « Uwabimubwiye
Yanze Umwami, aradupfuruye,
Abuza ko isunzu riduhishira! »
200 Mutara ni bwo ahamagaye imishanana
Yo n’amagote biba uruvange,
Ati: « Uyu Muzungu reka azitwake
Nta mugayo zituruka iwabo!
Dore inka zanyu nazibaka,
205 Mwazirunda nta mahane,
Kuko mwazigabiwe na twe!
Ngaho mwishakemo inkuke!
Uwayiturusha agure aba bantu!
Uwo byaturukaho ayidukinze,
210 Byamukoraho mubikinisha! »
Bati: « Erega ingurube ni ibihumbi!
Turazitunze tuba tukuroga!
Nyamara iyaruta izo mu Rwanda
Iyo uwo Muzungu twumva ashaka,
215 Itungwe na nde wo kuyitanga?
Kuko ingurube iryoha cyane,
Ikaba tutareka ko iba umucanda! »
Umwami ati: « Reka mwidutinza!
Aba b’ibigoma barazitunze! »
220 Akebuka Semutwa na Mutembe: (8)
Bajya mu ruhando aho mu bahungu
Abahata ijisho bashya igitutu!
Arabyitaza Semutwa ariko,
Ati: « Nta ngurube ngira mba nkuroga!
225 Narazihumbye nkiri umuntu!
Narazitsembye nkijya kubyibuha
Insigazwa yazo nimundebe. »
Ni bwo Mutembe amwanzuranije,
Ati: « Reka abeshye Umwami mwumve!
230 Ubwo duheruka kuza i Save,
Nta bwo wishe ingurube ikuruta?
Nta n’urwandiko waturatiye
Rw’Umuzungu utuye i Rubona
Rw’ukwo utunze ingurube z’iwe,
235 None ucurikiranye izo ndahiro? »
Sendashonga agira Mutembe (9)
Ati: « Urasesereza ibirego cyane!
Aho yazirazaga se uhavuze utyo,
Abanyazi bahatumwe zigashirayo,
240 Twabigira dute ku itariki? (10)
Jya uhakoza agatima wibwire,
Wibuke guhina amagambo!
Ahubwo va ku giti dore umuntu:
Bwira Umwami interuro yawe
245 Yo kuba uri inganza-marumbo!
Ingurube z’ibicece z’ubwoko,
Uzifite yivamo nk’inopfu! »
Umwami abyendera mu kirere,
Ati: « Erega ni ukuri ko Mutembe!
250 Gira uturangire izidutunga,
Ubwoko bwazo aho wabusanze? »
Undi ati: « Iyo ubimbaza utyo tukiza,
Mba nabirangije kare kose!
Ndabikubwira usange ari ukwo!
255 Ubwo ugarukiye mu Nyakibanda,
Nta Mupadiri wahasanze?
Ubumiramize aburusha Rubanda,
Akaba ari jyewe umunyura heza!
Nta bwo agereranywa mu mubyimba:
260 Izina yahawe ry’ubwo bwema,
Bitugangando riramukwiye! (11)
Nguwo utunga izirema ibondo!
Nguwo utanga izihaga umuntu!
Nguwo uwagukiriza abantu,
265 Akabaha inkuke y’uyu munsi! »
Mutara ati: « Ngiyo yewe inama! »
Ahuta asanga Majoro mu nzu,
Ati: « Iyo washakaga ubu nzi aho iri,
Ni ukwo itunzwe n’abadatorwa, (12)
270 Kuyikomeraho nkabibakeka.
Nyamara wanditse nk’ibaruwa,
Nkayiha umuntu akayigabana,
Ari wowe ndabona ko byashoboka! »
Majoro abyumvise arahuta.
275 Yaka wino ashyira ku meza,
Araruziringa afunga bahasha,
Baruha umuntu ngo ahutere,
Ajye Nyakibanda shishi itabona
Kwenda « Indyohesha-birayi! »

Posted by BANGAMBIKI at 9:43 AM 0 comments

INDYOHESHABIRAYI UMUVUGO 1

Ingurube iyoborwa n’abashumba bo mu Ngeyo

Rutihunza inzarwe y’isayo,
Ingurube zahanitse imirizo,
Rwa muturaga ku bijumba,
Ni igikoroto cyo mu bikoko,
5 Igira ibikobokobo by’ubukombe,
Ikizihirwa isanga ibishanga,
Ikizimba aho inzarwe iganje
Ikahavurunga ijabo rikahava,
Ikahacundagura bitaravugwa,
10 Ikahavogereza ingurube nto,
Ikahatengagura cyane
Ngo iz’imicanda zihace,
Ikahacogoza ihaconshoma,
Ikahahindura amacamba,
15 Ikahavura kuba isayo,
Ikaharyama humutse,
Wayibyutsa ntibyumve;
Wayikoraho uyegereye,
Ikagusigaho icyondo,
20 Ikagukwiza icyagane;
Yakureba igitsure,
Ukirinda kuyicyura,
Aho ishakiye gutaha,
Ukayikurikira iyo nyumba,
25 Ukayireba uko yateruye;
Ukayikunda mu ngendo,
Ntijorwe mu ibondo,
Ukirinda aho yaciye,
Ko hanuka bibi cyane!
30 Wayireba itambuka,
Ukayirata kuba itungo
Wayikebukamo imihore,
Ukayihongera ibijumba.
Uko yatendeje izuru,
35 Ku iherezo ry’umutonzi,
Ni ko itengura ibivuvu;
Iyo rwarika-mavubi,
Ikabihoroba ikabihwanya,
Ikabivunja ikabivuruga.
40 Aho isohokeye ngo urebe,
Ukayikeka kuba imvuzo,
Ari ukwuzuraho ivu.
Ubwo iteye mu nyambo,
Z’Umutware w’Uruyange, (1)
45 Yinyuriye ku irembo,
Bikanga rwabwiga! (2)
Ingeyo zose zirakubana, (3)
N’abashumba barabyuka,
Barahamuka, barahuruza;
50 Imyinjiro yo ikaba itanu: (4)
Bayihimbyamo amakome!
Ubwo ibiruru birahanika,
Inzamururo zirahoga! (5)
Uwarusazanye muri bo,
55 Yirata kuyitsirika,
Amagambo arayacurika,
Ayibwira amateshwa!
Ngo « Umurizo urawushyire irya,
Na yo amaso uyampange!
60 Wikwigira hirya:
Gumya usange ibiraro!
Mu buryamo nihakonje,
Mu ijanja nihashyuhe!
Ntutinde mu igenda
65 Gira uguruke ay’intashya! »
Avugishwa ijoro ryose!
Ngo burakeye barareba
Iyo ntamati ibugarije:
Yegereye imyugariro
70 Iraharyama harazibama.
Bayitura izimano
Umutware yohereje:
Icyo gitebo cy’ibijumba,
Ngo ikirabukwe ku rukinga, (6)
75 Iragisanga igihugiraho,
Buguruye ziraturuka!
Umutware w’Uruyange (7)
Yemera ko mu nyambo,
Z’Umwami nyiri u Rwanda
80 Bayirabukira ibitebo
Bakayoboka ikabatwara
« Indyohesha-birayi! »

Posted by BANGAMBIKI at 9:43 AM 0 comments

IMIHIGO YA KAVUMENTI NA LETA II

Na Mburamatare,
Na we nguyu aje guhiga.
Ati :  » We Kavumenti,
Wijajaba, witaragurika :
Nkurusha ibintu,
Bigeretseho ibindi :
Induru ni ndende.
Nkurusha Abatutsi,
Batura mu Rwanda;
Batorwamo intore,
Zigatahira Umwami :
Abo ni Mburamatare.
Induru ni ndende.
Nkurusha n’inyambo,
Zitahira Umwami,
Zigatura i Buganza :
Nazo niMburamatare :
Induru ni ndende.
Nkurusha ifaranga,
Imbere y’amarumiya;
Nkurusha amakuta,
Imbere y’amasenge :
Nayo ni Mburamatare,
Induru ni ndende.
Nkurusha n’Abasoda
Baturuka i Kongo;
Batwara izo mbunda;
Bakarwana mu mavita :
Nabo ni Mburamatare :
Induru ni ndende.
Nkurusha Gossensi,
Intebe ya SOMUKI,
Atuye i Rutongo.
Acukura ubutare,
Bucurwamo tanki,
Zikanesha Abadage :
Na we ni Mburamatare.
Induru ni ndende.
Nkurusha na Sovanye,
Utegeka Mini,
Iza Rwinkwavu;
Zivamo imizinga,
Ikanesha Abadage :
Na we ni Mburamatare.
Induru ni ndende.
Nkurusha na Minete,
Ituye Rugarama,
Ikaba n’i Ntsinda;
Icukura ibyuma,
Bicurwamo indege,
Zikanesha Abadage :
Na yo ni Mburamatare.
Induru ni ndende.
Nkurusha na Nyungwe,
Yo na Kaburantwa;
Hacukurwa zahabu,
N’iya Kilomini.
Itanisha Abazungu,
Ikabavana iyo gihera :
Na yo ni Mburamatare.
Induru ni ndende.
Nkurusha n’inturusu,
Iza hegitari;
Zabaye amashyamba,
Mu bihugu ntwara;
Zikazana imali,
Ziguzwe na Mini :
Nazo ni Mburamatare.
Induru ni ndende.
Nkurusha n’Andreya,
Andreya Kalinda,
Utegeka u Buzi.
Kandi na Ndeze,
Utwara ubwo Bwishya :
Nabo ni Mburamatare.
Induru ni ndende.
Nkurusha na Kabare,
Ak’i Bunyabungo;
Kandi na Mwambutsa
Umwami w’i Burundi :
Nabo ni Mburamatare.
Induru ni ndende.
Nkurusha na Mutara,
Umwami w’u Rwanda;
Akaruta Abami,
Batanu mu bawe :
Na we ni Mburamatare,
Induru ni ndende.

Alexis KAGAME. 1949. IYO WILIWE NTA RUNGU. Kabgayi, Rwanda. pp.175-181

Posted by BANGAMBIKI at 9:42 AM 0 comments

Labels: ibisigo, umuvugo

GUSOBANURA INDYOHESHABIRAYI

1. Umutware w’Uruyange yari Fransisko Rwabutogo. Ingabo z’Uruyange zari zararemwe na Rugaju rwa Butimbo ku ngoma ya Yuhi IV Gahindiro. Uwo Mutwe w’Ingabo wagendanaga n’Umutwe w’Inka witwaga Ingeyo, zororaga Inyambo.

2. Rwabiga: ni izina bahimbye intare mu bihugu byegereye amashyamba zibamo.

3. Ingeyo ni wa Mutwe w’Inka wari utunzwe n’Ingabo z’Uruyange.

4. Imyinjiro: ni ingombe nyinshi zo mu kiraro cy’inka kimwe. Iyo amashyo menshi y’umutegetsi umwe yabaga aragiwe mu karere kamwe, bazubakiraga ikiraro kimwe, ariko bakagisaturamo ingombe nyinshi, buri bushyo bukarara mu ngombe bwagenewe. Izo ngombe zo mu kiraro kimwe zitwaga imyinjiro.

5. Urwamururo: ni impigi yabaga ikozwe nk’ifirimbi, maze abashumba baba bikanze ko intare ibateye, bakaruvuza: ni byo kwamurura. Igihe bavuza urwamururo bagenda banyuzamo aya magambo bati: Agatwe irya, akabuno ino! Ubusururuke ku kiryamo, ubute mu ijanja! Birumvisha abatari babizi bo mu gihugu rwa gatati, impamvu yo kuvuga ko uwo munyarwamururo yagize ubwoba bumutera guteshaguzwa, aho kuyibwira amagambo ayigizayo, yayibwiraga ayo kuyihamagara ngo ize imwerekeraho.

6. Urukinga: ni uruhange rw’umuharuro ruteganye n’irembo ry’urugo. Bashakaga ko ingurube iva hafi y’imyugariro.

7. Umuhozi zari Umutwe w’Inka wagendanaga n’Umutware w’Ingabo zitwaga Abashakamba; iyo Mitwe yombi yaremwe na Yuhi IVGahindiro.

8. Aloyizi Semutwa yari Umutware w’Imvejuru; Ildefonsi Mutembe yari Umutware wa Nyakare. (Reba mu ndunduro lisiti y’Amaprovinsi muri Teritwari zayo.)

9. Owalidi Sendashonga yari Umutwarwe wa Nyaruguru.

10. Itariki: wari umunsi w’Ikoraniro ry’Abatware n’Abashefu babo batumiwe na Bwana Administrateri wa Teritwari, kugira ngo ababwire ibyo bagomba gukoresha. Itariki yabaga buri kwezi.

11. Bitungangando: ni izina ry’ubunini bari barahimbye Padri Van Uden. wari Umunyabintu b’Iseminari ya Nyakibanda. Iryo zina ryari ryaravuye ku mugabo wo mu bya Rwamagana wari munini biteye ubwoya.

12. Abadatorwa: abadasoreshwa, ntibabazwe imirimo na Leta; bivuga Abapadir.

13. Ladislasi Haguma yatwaraga Amarangara.

14. Isabukuru: Umunsi Mukuru w’Ububirigi (21 Nyakanga).

15. Ku Ruyenzi: agahugu ka Provinsi ya Rukoma hari hagati ya Kamonyi na Nyabarongo.

16. Atanazi Kanimba: yatwaraga Provinsi ya Nduga.

17. Alfonsi Mfizi yatwaraga Provinsi ya Rukoma.

18. Semugeshi yatwaraga Ubufundu.

19. Ludoviko Rwitsibagura yatwaraga Ubuyenzi.

20. Leonardi Birasa yatwaraga Ubunyambiriri.

21. Eduwaridi Rwampungu yatwaraga Ubumbogo.

22. Deogratias Muterahejuru yatwaraga Nyantango.

23. Paulo Nturo yatwaraga Akabagari.

24. Rwubusisi yatwaraga Uburiza na Buganza-Sud.

25. Rafaeli Serukenyinkware yatwaraga Ubwishaza.

26. Simoni Nyiringondo yatwaraga Mirenge.

27. Godifridi Kamunzinzi yatwaraga Ubugoyi.

28. Fransisko Rwabutogo yatwaraga Ubuganza bwa Rwamagana.

29. Stanislasi Rutsinga yatwaraga Ubuganza-Est.

30. Thomasi Karyabwite yatwaraga Ububeruka.
Epafroditi Kalima yatwaraga Kibari-Buberuka.

31. Nepomuseni Rwaburindi yatwaraga Buhoma-Rwankeri.
Berkimansi Rwabukamba yatwaraga Ubugarura.
Kwintiri Bisamaza yatwaraga Bukamba-Ndorwa.

32. Kaniziyo Bisarinkumi yatwaraga Ubukonya.

33. Nepomuseni Ntaganda yatwaraga Icyesha.

34. Wilibrordi Rwamuningi yatwaraga Icyingogo.

35. Fransisko Nzaramba yatwaraga Ubusanza-Sud.

36. Fransisko Nyangezi yatwaraga Ubushiru.

37. Diyoniziyo Mbaraga yatwaraga Akanage.

38. Mikayire Rwiyamirira yatwaraga Ubwanacyambwe.

39. Sitefano Gitefana yatwaraga Ubukunzi-Busozo.

40. Yozefu Bideri yatwaraga Impara.

41. Stanislasi Kalisa yatwaraga Ubuganza-Rweya.

42. Antoni Kanyangira yatwaraga Migongo.

43. Mikayire Rutaremara yatwaraga Ubuganza-Nord.

44. Proyegiti Fundi yatwaraga Rusenyi-Itabire.

45. Karoli Rubayiza yatwaraga Ubudaha.

46. Yozefu Rutamu yatwaraga Bashumba.
Yustini Gashugi yatwaraga Buhanga-Ndara.

47. Krispini Kamali yatwaraga Umulera.

48. Selestini Mukarage yatwaraga Amayaga.

49. Faustini Gacinya yatwaraga Gihunya.

50. Deogratias Kaberuka yatwaraga Ndiza.

51. Teodori Muregancuro yatwaraga Ndorwa I Ouest.
Krizostomo Katabarwa yatwaraga Ndorwa II Est.

52. Medardi Kanubana yatwaraga Buganza-Nord.

53. Imisoto: bibwira ko uwaguye ivutu arivurwa no gucishwa mu misoto.

54. Gerardi Ruhorahoza yatwaraga Ubugesera.

55. Godifridi Butare yatwaraga Urukaryi.

56. Fideli Kataba yatwaraga Umubari.

57. Sitefano Rwigemera yatwaraga Urukiga.

58. Impumbu: bivuga abagore binywera amata gusa bakibagirwa gucunda.

59. Bavugaga ko Umuzungu uriye ingurube wenyine, atayitumiriye abo baturanye bose, ngo bamucaga, bakamuvana mu bandi.

ZA PROVINSI MURI TERITWARI KU MURONGO

Abatware tumaze kuvuga mu bisobanuro, ni abariho mu wa 1941-1942. Nyuma y’ubwo, Provinsi zimwe zagiye zomekwa ku zindi, kandi Abatware bamwe basimburwa n’abandi. Ni ukuvuga rero ko hagati ya 1943 na 1959 bitari bikimeze na gato nk’uko twabivuze. Muri twe hari benshi batamenye abo Batware twavuze, bakaba baramenye ahubwo abandi tutavuze.

Noneho rero dukurikiranye ayo mazina ku murongo muri buri Territwari, kuko ibingibi byose ari ibitekerezo by’u Rwanda rw’icyo gihe:

I. Teritwari ya Kigali.

1. Ubwanacyambwe: Mikayire Rwiyamirira.
2. Uburiza na Buganza-Sud: Rwubusisi.
3. Ubumbogo: Eduwaridi Rwampungu.
4. Ubugesera: Gerardi Ruhorahoza
5. Ubuganza-Est: Stanislasi Rutsinga.
6. Ubuganza-Nord: Medardi Kanubana.
7. Urukaryi: Godifridi Butare.

II. Teritwari ya Kibungo.

1. Igihunya: Faustini Gacinya.
2. Ubuganza: Fransisko Rwabutogo.
3. Ubuganza-Rweya: Stanislasi Kalisa.
4. Migongo: Antoni Kanyangira.
5. Mirenge: Simoni Nyiringondo.
6. Umubari: Fideli Kataka.

III. Teritwari ya Byumba.

1. Urukiga: Stefano Rwigemera.
2. Ububeruka: Tomasi Karyabwite.
3. Ubuyaga: Medardi Munyaneza.
4. Umutara: Gervazi Lyumugabe.
5. Ndorwa I Est: Krizistomo Katabarwa.
6. Ndorwa II Ouest: Teodori Muregancuro.

IV. Teritwari ya Ruhengeri.

1. Umulera: Krispini Kamali.
2. Ubugarura: Y. Berkimansi Rwabukumba.
3. Ubuhoma-Rwankeri: Y. Nepomuseni Rwamurindi.
4. Ubukamba-Ndorwa: Kwintiri Bisamaza.
5. Ubukonya: Kaniziyo Bisarinkumi.
6. Kibali-Buberuka: Epafroditi Kalima

V. Teritwari ya Gisenyi.

1. Ubugoyi: Godifridi Kamuzinzi.
2. Ubudaha: Karoli Rubayiza.
3. Ubushiru: Fransisko Nyangezi.
4. Ubwishaza: Rafaeri Serukenyinkware.
5. Akanage: Diyoniziyo Mbaraga.
6. Cyingogo: Wilibrordi Rwamuningi.

VI. Teritwari ya Nyanza.

1. Ubusanza-Nord: Mikayire Rutaremara.
2. Amarangara: Ladislasi Haguma.
3. Amayaga: Selestini Mukarage.
4. Ndiza: Deogratias Kaberuka.
5. Nduga: Atanazi Kanimba.
6. Nyantango: Deogratias Muterahejuru.
7. Rukma: Alfonsi Mfizi.
8. Bunyambiriri: Leonardi Birasa.
9. Kabagari: Paulo Nturo.

VII. Teritwari ya Astrida (Butare kuri ubu)

1. Mvejuru: Aloyizi Semutwa.
2. Buhanga-Ndara: Yustini Gashugi.
3. Bufundu: Semugeshi.
4. Busanza-Sud: Fransisko Nzaramba.
5. Buyenzi: Ludoviko Rwitsibagura.
6. Nyakare: Ildefonsi Mutembe.
7. Bashumba: Yozefu Rutamu.
8. Nyaruguru: Oswaldi Sendashonga.

VIII. Teritwari ya Cyangugu.

1. Impara: Yozefu Bideri.
2. Abiru: Leonidas Biniga.
3. Bukunzi-Busozo: Stefano Gitefana.
3. Icyesha: Y. Nepomuseni Ntaganda.
4. Rusenyi-Itabire: Proyegiti Fundi.

Murabona ko rero icyo igihe Teritwari ya Kibuye na Teritwari ya Gitarama zari zitararemwa. Abatware tutavuze ahangaha, abenshi mu Basomyi bakaba baramenye gusa abandi tutavuze, impamvu ni ukwo abatavuzwe bari bataragabirwa Ubutware mu myaka ya 1941-1942.

Posted by BANGAMBIKI at 9:41 AM 0 comments

Labels: indyoheshabirayi

Urukumbuzi rwa Sekarama

Naraye urukumbuzi runsaguka ku mutima
Nti « Bucye nsange umugabo untunza,
Tujye gutarama mu Ndinzi.
Ndamukumbura sinsibire,
Ngasa n’ imvura ikumbuye Igihugu;

Ngasubiza iyo mu Mpungwe,
Ngenda ay’ abasore,
Ay’ abasaza nkayarorera !
Naterera i Karimba.
Ngasanga umurimbo uvuna umushongore,

Tukavugana vuba atanshyaniriza amagambo
Ati « werekeje he se Nyarusaza ! »
Nti « ndasubiza iya Kayebe !
Ndagenda ay’ intashya,
Ndataha kuri Nyabyunyu,

Ubu kare mu mashoka !
Ndahasanga incuti yo kwa Yuhi,
Twuzuye ubukeye n’ ubugumya kwira,
Tukimanira ijabiro ! »
Ubwo ngusanze se ntuntote ngo naratinze

Ngo sinaje gutamba ineza
Umunsi utaha i Munanira !
Isango yaho sinari nyizi,
Uti « kare kare nerekeje i Sheke,
Uzinduke ushyire ku nzira,

Uzambukire ku Kamana,
Ariko se we waramutse Marembo atsindura amariza?
Waramutse Biheko nsanze byambaye ibirezi,
N’ ibi birori byawe biri aha?
Uragahora ubyirorera, bikunganira Yuhi !

Ese waramukanye n’ intwari mutaramana rikarenga,
N’ abazava ku Wamavubi bakagusangana na zo ?
Mbese waramukanye n’ aba batesi mutaramana,
Bukarinda bucya utabashyanirije amagambo ?
Mbese waramukanye n’ urugo rwawe

Ruboneje amarembo mu rwa Serugo,
No mu rwa wa mugabo Murenzi
Rugira umugeni urutaha, n’ ingabo zirutaramira,
Warureba ugeze i Buhoro
Ugasanga rwaka umucyo rubengerana ibikari

Karame mu nka, urambe mu ngabo,
Maze uhorane urubyaro
Rungana urwa wa mugabo Murenzi :
Ni we wabyaye imbaga itangana,
Ntishorane amazimwe :

Urajye ubazirikana ni iwanyu urabazi,
Na bo abandi ni bo bene Nyamihana.
Ndaruhutse ari jye ugusanganye amahoro,
Bihorere dutarame, nta gishyika kibaye !
Nibucya uyimpe uko iteze kose :

Niba impuga iraba ijomboye nkayirata,
Ndayicyura uko uyimpaye :
Iraba igitare, ndatamba
Ko wampaye ijana bikanyizihiza !
Kabone numpa iy’ isine ikaba ishingu

Ndashima ko wampaye intaka,
Ngutahanire ku mutima ishimwe !
Kabone numpa n’ iy’ icyasha,
Sinigeze icyangiro,
Wampawe umpatse bubata !

Kabone n’ umpa n’ iy’ inkungu,
Uraba unkuye i kuzimu :
Narizigurutse uranzirikane !
Uraba uyimpereye ukuri :
Ni jye wanyu nyawanyu,

Sinsunikwa mwanyu, jye ndi umwambari !
Ndi umwambari utimura, mpora iwanyu,
Nakowe inka na SeKigeri arakundaga !
Akundaga imitwe ikinje,
Udukurira ubwatsi ikambere :
Imivumu urayuzuza mu biganza !

Posted by BANGAMBIKI at 9:47 AM 0 comments

RWANYIRAJANJA

Ndavuze, ndaretse ntaretse
Ndamaze ntamaze,
Ndahoze, ndahoza abandi:
Ijambo rya Kigeli
Ni ikigabariro cyaryo.
Ndavuga Rwogera na Ngarambe,
Ndavuga Rwogana-ngabo rwa Ngoma ijana,
Ndavuga u Rwanda ruguye imvura!
Abanyamahanga baturusha amasuhuko,
Tubarusha ibyiza.
Tubarusha Umunyana wa Rusharaza,
N’Umunyana wa Nyiri-ishema,
Mushiki wa Nyamihirwa.
Iyo ashengerewe mu ngombe,
Ingondo ziramukana ibiririmbo,
Zikagabana inshara,
Zikikije incuti za bene Shaza,
Ndavuga Biganza bigaba igaju,
Nyina wa Mwiza nzamurata.
Nyirampeta iyo murata simpunga,
Iyo yampaye simara.
Yangaburiye inda kw’irima ry’ibishyimbo;
Ndayibumbatira nyigeza kw’ihera ry’amasaka.
Rwirungu mu minyana
Rwa Mabega ya Ngoga:
Agira inzage avunya abakazana,
Atereka intango uruta-nkanda:
Mvuga amagambo y’intungane!
Erega aho emwe, Tulira si umugani.
Tulira ni umugore:
Nzamurata buzima!
Nzamutakirwa isaro mwaryi1,
Nzamutuka insaro n’indira2;
Nzamurotera inzozi nziza,
Ejo mu gitondo nzimuzanire.
Nyiramutarutwa muka Macinya,
Aruta ububutsi bw’ukuka butatu,
Butanga ubutama bugatongana
Ngw’ino mandwa yatemeye Ngilyi!
Nikanze ibicumbeka,

Ngirango ni ibicaniro:
Nkuba impuzu ndicara!
Za ntindi z’ubukoro,
Z’ubuhembe bw’inkokote,
Zakobotse ku matako,
Zarwaye Nyamukuka,
Zakobowe n’umukeno:
Zirashyira zirataha!
Bububana ubukorwa,
Bajya kuzikura ubukaba!
Uri mukuru muri bo,
Ati: « Muraha iyi mandwa amata,
Mugapfusha umwana umwe! »
Undi muri bo aramburira,
Ati: « Rwamukunya yabakuyemo umutima,
N’aho bwakwira bakurya! »
Nti: « Uratinye iry’abakuru! »
Isoni zinkoba niruka,
Nisura mu ntege,
Nitahira intaho nzi,
I Nyakayaga kwa bene Semugaza3,
Nsanga banyiteguye
Nta nteguza natumyeyo!
Amarebe n’Amaraba zirashyira zirataha:
Bazicanira imirama n’imirinzi,
Bazisasira ibyarire,
Bazihamagaza amazina!
Mbirura nijuta!
Nti: « Ubonye ba batindi,
B’ubugumya, b’ubuguririza,
Bamazwe n’ingugunnyi,
Ba ndoro z’ibikona,
Ba bikabara bikwabaje,
Ba buguru bw’impembure,
Ba butako buhenuka, buhengamye,
Bwahwuhwa n’umuyaga
Bukagenda uko mahera:
Butaje kureba aho nsomera,
Bagasasa bwa burago,
Bw’uburavu n’ubuhivu,
Bwizihiye za mfura! »
Ni ibyo inkuru igira ikibara,
Babibwira Nyirantawebasa nyina wa Mitima 4,
Ati: « Murumva ya mandwa ya Ndabarasa,
Barayita indondogozi!
Ko idakiranije ntivuge nabi,
Mwebwe bene Kigeli mwayigera iki? »
Bunguka inkamwa, nunguka intege:
Ntambana irobe, mpinduka ibaba!
Rwanyirajanja ihenga bwije,
Iranjajanga ndajanjagurika,
Amava-ziki ndazindazwa, ndazabiranywa;
Njya mu bijunju iranjijibura!
Mukwijana inzoka irajorora,
Abapfumu bose barajibanirwa,
Ngo ni indwara batijajara
Amaso ahinda ubusinzirize,
Amaguru ahinda ubugengera;
Urutirigongo irarwahuranya,
Igira mugabuzi iyigira ingombe,
Igira iyo ngusho irashingishira,
Igira bushati irakunkumura,
Ikuba bukonya irakobanya,
Ngo ni mukeba duharikanijwe,
Intsinda impinduye inkokore!
Ku gasusuruko ibonye ko mpoze,
Ubwo yihutira kumpuhura!
Ntakira abuguye na Mihunga,
Aho nyine banga kuyimparira!
Baza bose bahumiriza!
Rwaka-migabo rwa koma-bagwe,
Intambara izanye izakira soryo!
Nti: « Ubwo mutabara muritonde,
Mutagwa ku biti, nzayitanwa:
Uwayitukiriye yaratanirije! »
Bati: « Nimuhe iyo mandwa,
Muyihe amavure, muyivurugire:
Muyihe amavuta, muyikuze ivubwe,
Nivururuka ibavuge neza! »
Nzasaba Umututsi wanywereye ku nama,
Akaba yarimaze inambu;
Nsabe Umuhutu wihaye akiheka,
Akihaza iby’isuka:
N’umwiru urema ingoma se wa Mahata,
Ntasumbwa ku isuku:
Agira umwuko ungana ingashya,
N’UMUBONANYA ubumbuje5,
N’ameza abumbiriye.
Nyakiyumbu yakuze akuze6,
Yinaga ivure,
Azana amakame n’amakamure;
Ati: « Nimuhe iyo mandwa,
Yikize urukanyu ivanyei rukiga! »
Agahutu ncancama,
Kambona kagacancama,
Kambara gakohoje,
Gakora aya bukohore!
N’agatutsi nzingiza,
Kambona kakazingiza,
Kakazura umugara,
Kagira ngo ndaza iwe,
Kandi u Rwanda ari rugari!
Aya manywa bandinda, ni yo bahuraho;
Izi nzira ngenda,
Izi nzozi ndota,
Iyi nzara nshonje,
Iyi ngeso ingobotse,
Iyi ngano yanjye,
Ababona naje nkagenda ubusa,
Baragira ngw’iki?
Utakurusha incuti ntakurusha ingabo.
Utakuzeye ntakuzimurira,
Utakurusha umugore ntakurusha urugo;
Utagira sange, asanga zihaze:
Inda irimo urwango
Yima uwa nyina:
Nkanswe jyewe!
Mbese mwaramutseho?
Yego twaramutse!!!

1. mwaryi : ni isaro ritakibaho.

2. nzamutuka amasaro n’indira bivuga muri iki gihe « nzamukungahaza amacupa n’inigi ». Icupa kera ryitwaga urusaro, bikaba insaro mu bwinshi naho urunigi rukitwa ururira bikaba indira mu bwinshi.Inshinga gutuuka ntikibaho, yavugaga gukungahaza.

3. Semugaza wa Kigeli Ndabarasa. I Nyakayaga ni igihugu cya Misiyoni ya Kiziguro.

4. Mitima ya Ruyenzi rwa Semugaza.

5. Umubonanya bivuga umutsima mu rurimi rw’imandwa.

Iki gisigo cyahimbwe ku ngoma ya Mutara II Rwogera ariko ntawe uzi uwagihimbye.
Alexis KAGAME, 1949. IYO WIRIWE NTA RUNGU. Pp.47-54. Kabgayi: Rwanda.

Posted by BANGAMBIKI at 9:46 AM 0 comments

Intege z’ubusaza za Sekarama

Nsigaye ngenda ayintamire,
Intaho yanjye ni ngufi!
Ndareka aho najyaga nigerera,
Hakambera ijuru-inyuma!
Ndigendera ay’abasinzi,
Singisimbuka akatsi!
Ndagenda nikubita umutego,
Nkiyesa imbere yanjye!
Nsigaye nigendera ay’umucuko,
Ndacuma akarenge!
Nava mu gikali njya ikambere
Imvura yose ikampitiraho!
Nsigaye ndi umucuze nk’intozo
Ni yo babona yashaje
Bakayambura imisibo!
Ndacyakora se iki Bahe banjye!
Uru Rwanda ko ntaruhingamo sinahure,
Singire n’intege zo gufata inkoni
Ngo njye kwihakirwa bushumba,
Uko murora, nzahereza he?
Nabuze uw’incuti wanshorera
Tukagenda umuseke ucyeya,
Ngo antereze inzira ya Rutare,
Ngo nsangeyo Rwabugili wahoze antunze,
Maze rizarase ngeze mu bitwa bya Munanira!
Ngo nimpinguka ambaze bwangu,
At: « Uracyakora iki Nyarusaza,
Ko watinze kunsanga ino? »
Nti: « Ndi aho, singitarama ku manywa,
Singitarama na nijoro:
Lya jambo nahoze mfite liragatabwa! »

IYO WILIWE NTA RUNGU pp.81-82
Alexis Kagame

Posted by BANGAMBIKI at 9:45 AM 0 comments

Sekarama asaba Sebagangali umwambaro

Igisigo cya Sekarama ka Mpumba

Gahorane Imana Sebagangali!
Nsobanura n’ibitabu byanjye
Nkenyera bikanga:
Sinzi guhanjura, byangoye!
Dore uwo nkenyeye urantana nk’izishoka,
Ndawufata ukaba ishingwe,
Nawukoza intoki ngo nywukindikize,
Ukanga ukantamaza!
Ndawushyira ku kitako ntunkundire,
Nagerageza ibyo kuwifubika,
Nkabona utabutse handi hatatu!
Nywambaye nk’abana
Bamwe batagira ubambika, ndakakwambura!
Aliko nta we unseka naragowe:
Amagorwa sinayizaniye arasanzwe mu bagabo!
None ndasumbilijwe, mvuna nkibyuka:
Umbonere uwa none noye guhora nsekwa n’abaturanyi,
Ngo ndusha rubanda gutira!
Na wa muturanyi Kimonyo yansezereye nkibyuka,
Ati: « Sinkwishingiye si jye shobuja,
Niba Sebagangali atagushaka
Urigumire mu kirago cyawe! »
Rero Mpinga y’ubuhoro sinkiwuzindukana
Ngo ndushye nywurengana impinga:
Ndatambuka ugahinduka imishumi,
Nanga kwiha ibiseko nkisutamira mu nzu!
None Sebagangali nyambika noye kwambukirwa:
Ndi mukuru nkaba umwambali wo kwa so, kwa Yuhi!
Windeba undenza ingohe,
Kandi uhora uhabwa umushahara!
Yawumpaye ali umwe ndahakana!
Nti: « Sebagangali wumpe uko wawutuwe,
Ntugutera ubukene!
Ntulibube utubije imvuba yawe! »

IYO WILIWE NTA RUNGU pp79-80
Alexis Kagame

Posted by BANGAMBIKI at 9:40 AM 0 comments

Labels: ibisigo, igisigo, sekarama ka mpumba

NACUMUYE IKI MWIMANYI

Igisigo cya Sekarama ka Mpumba

Nacumuye iki Mwimanyi!
Sinacumbye urugomo wimye!
Sinatangiriye abagenda;
Sinashinze inkoto mu nzira;
Sinambuye n’abahanju,
Ngo uwanyaze agire ngo ndi n’icyaha,
Nkwiye icyasha mu mutwe!
Sinaciye mu iteka wagabanye,
Ingoma yahamagaye abagabo,
Umugaba nagira ati: « Genda utabare, »
Nti: « Genda uzihe abandi,
Ndanze kuzitabarira! »
Sinanywereye no gusinda,
Ngo ntuke Umunyiginya wavutse kwa Gihanga,
Nibagiwe Forongo2, ko yadutsindiye inka yaje!
Sinatutse n’Umwega wavutse kwa Makara
Nibagirwe ko yatubyariye ubukombe buhamye!
Sinimanye n’irembo ngo nugarire amarembo,
Mpime abagenda, urwo rubwa ruze!
Ntiyantangiriye njya kwambuka,
Ngo namfatira hakurya y’uruzi,
Azane uwanyambukije dupfane!
Sinaciriye iriza icyuho,
Sinakajije inkota,
Sinagenze nyakijoro!
Sinabanze umuheto bwije, ngo amfatire mu cyuho,
Ati: « Nimurore uhora yugurura amarembo y’abatunze,
Kujya kurora incubizi mu rugo! »
Ntiyanyaze yaragabanye mu rugo rwa Yuhi,
Ngo ampimbire ibicumuro by’uko nahunze mu rugerero
Ntiyari n’uwacu wagize ubwiko,
Ngo nacyura igihe, ati: « Nsezerewe ndi umunyazi! »
Sinahunze ingabo zihindanye ku rugamba,
Ngo agire ati: « Uriya musizi wa Serugo,
Nimwitegereze ahunganye umuheto! »
Ntiyanyagiye inyiturano:
Umwituza ahora ajyana imwe urayizi iba mu Batutsi.
Ntiyanyagiye n’imyenda ngo ampimbire imanza mbi,
Ngo nakunguranije ingumba magana atanu!
Ntiyanyanze yarangabiye iz’intahira,
Ngo natunguka mu irembo,
Bati: « Aje gukuza aho yagabye birasanzwe! »
Ntiyanyaze yarankwereye umunani,
Ati: « Nabuze indongoranyo narakoye, ndazikujyanye! »
Ntiyanyaze naragabanye mu rugo rwabo,
Haba no kuhakura ikimasa,
Kimwe tujya duhabwa abanyamuhango!
Nta gicumuro zigira I Rwanda:
Niba zarunuwe uzikomore!
Niba warazigabye, simvuguruza iryo wavuze:
Uri mu ijabiro uranyihere umuriro.

1. Iki gisigo Sekarama yagiye kugitura Umwami, bamaze kumunyaga; byari bikurikiranye n’igihe cy’Abakusi, kuko yari yararezwe ko yabanaga n’igice cyabo.

2. Forongo rwa Mibambwe I yapfuyeho umutabazi igihe cy’ibitero by’Abanyoro. Ni we sekuruza w’Abaforongo b’I Remera ryo mu Buriza.

IYO WIRIWE NTA RUNGU pp.68-71
Alexis Kagame
Kabgayi, Rwanda 1949

Posted by BANGAMBIKI at 9:39 AM 0 comments

Labels: ibisigo, igisigo