Gen Kayumba Nyamwasa yashubije Kagame (Umuvugizi)

16 janvier 2011

Actualités

 

Gen Kayumba yijeja abanyarwanda ko bari bugufi kubarokora Ingoyi bariho.Ngo muzabagaye guhera ariko ntimuzabagaye gutinda kandi ko igihe kiri hafi.

   
Gen Kayumba Nyamwasa yashubije Kagame (Umuvugizi) dans Actualités spacer
spacer dans Actualités
spacer
spacer
spacer
spacer
 
spacer
spacer
spacer
spacer
 

Gen Kayumba asanga urubanza rwe na bagenzi be ari ikimenyetso cy’ukunanirwa kw’ingoma ya Kagame [General Kayumba na Kagame] Hashize iminsi Leta ya Kagame isabiye Gen Kayumba Nyamwasa na bagenzi be ibihano bitandukanye, harimo kwamburwa ampeti ya gisilikare kimwe no gufungwa igihe kirekire. Nyuma yo kumva ibi, byatumye tuvugana na Gen Kayumba kugira ngo adutangarize icyo abivugaho.

Mu kiganiro twagiranye kirambuye aho ari mu buhungiro, yadutangarije ko ibyifunzo bya Kagame ari ikimenyetso cy’ukunanirwa kw’ingoma ye, bikaba binashimangira ukuri kuri mu biganiro bagiye batangaza hirya no hino mw’itangazamakuru hamwe n’ibyo basohoye mu nyandiko bise Rwanda Briefing.

Yatwibukije ko akimara guhunga yavuze ko bimwe mu bintu byatumye ahunga ari munyangire, igitugu, amatiku, imiyoborere mibi, uko KAgame ashaka gusiba amateka ya bagenzi be yose akayiyitirira, ubutabera butigenga hamwe no kuba Kagame yaragize igihugu akarima ke.

Ngo bimwe mu byatumye bafata icyemezo cyo kurwanya ingoma ya MRND byari uguca akarengane, ubuhunzi hamwe no kuba igihugu kiyobowe n’ishyaka rimwe rukumbi, rero bikaba ntagushidikanya ko barwanya ingoma ya MRND barangiza bagasiga Kagame wazunguye ibyo barwanyije, yarangiza akabikuba inshuro nyinshi (wenda muribuka ko yadusezerenyije kubikuba karindwi?) Yadutangarije ko ntagushidikanya ko bagomba kurwanya ingoma y’igitugu ya Kagame bivuye inyuma, kandi ko ntakizabakoma mu nkokora, nk’uko we na bagenzi be bitanze bakarwanya ingoma ya MRND, abenshi bakanahatakariza ubuzima; ibi byose Kagame akaba atarabihaye agaciro, akaba ageze aho yiba amatora, akimika ubwicanyi, gufunga abatavuga rumwe nawe, gufunga no kwica imiryango y’abamurwanya ayita ibyitso n’ibindi byinshi.

Yaduhaye ishusho nyayo y’ubutabera bwa Kagame aho ariwe mucamanza, mushinja cyaha akaba n’umucunga gereza aho yumva yagaraguza abantu agati nk’uko ashatse, atanga urugero rw’abantu batadunkanye nka Perezida Bizimungu, Ntakirutinka Charles, Ingabire Victoire, Ntaganda Bernard, Gen Muhire, Mutsindashaka, Col Mudenge hamwe nabandi Kagame akomeje kugenda agaraguza agati mu nkiko.

Sibyo gusa avuga ko mu gihe Kagame ataragera aho yumva ko agomba kubaha uburengazira bw’ikiremwa muntu hamwe n’itangazamakuru, ngo areke kugenda afunga afungura abanyamakuru nk’inzugi, ntagushidikanya ko bagomba gukomeza kurwanya ingoma ye y’igitugu.

Kuba kugeza ubu Kagame na bagenzi be barahinduye ubumwe n’ubwiyunge igikoresho cya politiki cyo kwirenza abo badashaka, bagakingira ikibaba bamwe bakoze jenoside kubera ko babayobotse, ni zimwe mu mpanvu batagomba kumwihanganira.

Ubusahuzi bwa Kagame Yanadutangarije ko bibabaje kubona banenga Kagame uburyo akomeje gusahura igihugu, aho kugirango yisubireho cyangwa asabe abanyarwanda imbabazi, agahitamo inzira yo kubahimbira ibyaha.

Yatwibukije uburyo basobanuye, mu inyandiko bise Rwanda Briefing, berekana amadege ahenze Kagame yagiye agura mu misoro y’abaturage hamwe no mu mafaranga y’abaterankunga, Umuvunyi mukuru Tito akaba yaragerageje kuvugira Kagame ko izo ndege ari iza Nshuti Manasseh, ariko nyiri ubwite akaba yaraje kubyiyemerera ko ari ize.

Muri iyo nyandiko nanone berekanye uburyo Kagame akodesha amazu ye ambasade y’u Rwanda mu Bwongereza no mu Budage, akanongera akanakodesha abakozi b’izo za ambasade amacumbi, ayo mafaranga yose akaba ajya mumufuka we bwite.

Gen Kayumba yadusobanuriye ko impanvu Kagame abita abanzi, ari uko berekanye ukuntu yakoresheje ibikoresho bya Leta mu kwubaka amazu ye kuri Muhazi, bakanerekana ukuntu ishyaka FPR ricuruza kurusha abantu bose mu gihugu, ko ritagira umubitsi kandi ko kugeza ubu amafaranga yaryo agana mumufuka bwite wa Kagame.

Akaba yaradusabye kumubariza Kagame niba ibi bisobanuro byose basobanuriye abanyarwanda uburyo igihugu cyabo gikomeje gusahurwa nkaho kitagira ba nyiracyo, ari byo bibagira abanzi b’igihugu.

Ese yaba yitiranya kuba umwanzi w’ubujura bwe no kuba umwanzi w’igihugu? Amapeti n’igifungo Kuba Kugeza ubu Kagame yumva ko yakatira abasirikare igifungo ashaka, akaba yumva ko yanabakuraho amapeti ukwo yishakiye kubera ko bamunenze, bisobanura agaciro aha abasirikare ba RDF.

Gen Kayumba lero yaradutangarije ko yaba we cyangwa bagenzi be, amapeti bafite batayahawe na Kagame ahubwo ko bayahawe n’ubwitange hamwe n’imirimo itandukanye bagiye bakorera igihugu hamwe n’abenegihugu.

Akaba yaratangajwe no kubona Kagame amaze kunanirwa, kugeza aho afata amapeti nk’ibyo kurya by’impunzi cyangwa cadeaux, aho yumva ko ashobora kurota azitanga cyangwa azikura ku basirikare. Ngo: “Inyito ni izina ry’umuntu; ntawushobora kubyuka ngo avuge ko Kagame atakitwa Paul.

” Ese mwazambarije Kagame icyo ba Gen Muhire, Col Mudenge, Col Rugigana, Gen Kaka, Gen Karenzi Karake n’abandi benshi amapeti bafite icyo abamariye? Ibi byose ngo bisobanura cya gitugu n’iterabwoba Kagame agenda akorera abasirikare bagenzi be kugirango abacecekeshe, ntihazagire n’uwongera kuvuga.

Ku bijyanye n’ibirego babarega ko bashyigikiye amagambo Ingabire yavugiye ku Gisozi, asobanura ko n’ubwo yaba atemeranya n’imyumvire ya Ingabire, asanga igisubizo atari ukumufunga kubera imyumvire ye, ikindi akaba yibaza uzafunga Kagame uwari we, cyane ko Ingabire arimo kurega, ari umwere cyane ugeranyije na Kagame umurega utaratinye kwigamba mu nteko nshingamategeko imbere y’abaturage ko yahumbahumbye impunzi z’abanyarwanda akazica, agacyura abo ashatse.

Kuba Kagame abarega gufatanya n’abahutu, yadutangarije ko ntakimwaro bimutera kuko asanga ari wo muti nyawo w’abanyarwanda, kandi ko bazashyira bakabibona. Yaduhaye ingero za Mandela waharaniye ubwiyunge bwa abirabura n’abazungu, bene wabo bakamurwanya ariko bageze aho basanga ari wo muti w’ikibazo cyabo.

Yongera aduha urugero rwa Mahtama Ghandi wabwiraga benewabo b’aba Hindu kwiyunga n’abayisiramu, bakamunanira bikaba ari byo byabyaye ubuhinde na Pakistani, kugeza na n’ubu amakimbirane yabo akaba agikomeza. Gen Kayumba Nyamwasa akaba ashimagira ko umuti w’abanyarwanda nyawo ari ukuganira n’ukumvikana mu bwubahane butaziguye.

Yadusabye kumubariza Kagame ko ahora ashaka kubicira ishyanga, gukoresha inkiko ze kubakatira ibyo ashaka, iyo baza kuba bakiri mu gihugu biba bimeze bite ? Ese abo akoresha kubakatira imanza zidasobanutse, nawe arashaka ko ejo ubundi namara guhirima hazabakoreshwa bene nk’abo kumukatira? Ngo bo ariko nibazamera nkawe, kuko icyo bashaka ni u Rwanda ruzira amakuba n’amarira, akarengane hamwe na munyangire nk’iya Kagame.

Akaba yarasoje akomeza abanyarwanda bose bakomeje gukorwa munda n’ubwicanyi bwa Kagame hamwe n’igitugu cye.

Umubare w’ibitambo bya Demokrasi nka ba Rwisereka, Rugambage, Emeltha Munyeshuri, Rutayisire, Ingabire, Ntaganda n’abandi, uriyongera uko bucyeye ariko nanone akaba yizeza abanyarwanda kuzabagaya guhera ariko nibazabagaye gutinda kandi ko igihe kiri hafi, ukuri kugagatsinda.

Akaba yaraboneyeho umwanya w’ukwizeza abanyarwanda ko batazaterwa ubwoba n’imijugujugu Kagame akomeje kubakurikiza, ahubwo ko ituma bakomeza kugira ishyaka n’umurava wo gushaka icyabohoza igihugu cyabo kandi vuba, amazi atararenga inkombe.

Johnson

Source Umuvugizi. Com.

À propos de Theo

Est-ce que le MDPR ( parti dissout en l'an 2013), aura joue un role, si minime qu'il soit, dans la comprehension du probleme rwandais et dans l'avancement pour la recherche des solutions? C'est a chacun de juger. De toutes facons, notre action n'aura pas tout a fait passe inapercu! Sans politique ou en politique, nous continuerons a lutter pour la liberte, la verite et la reconciliation, ainsi que pour l'instauration d'un etat de droit au Rwanda. Selon Sylmpedia: "Mouvement Démocratique du Peuple pour la Réconciliation (MDPR- INTIGANDA) Drapeau du MDPR Fondé le 13 Décembre 2009 par l’Abbé Théophile Murengerantwari. Ancien "titulaire" de l’Evêché de Cyangugu, exilé en Allemagne ou il a basé son mouvement issu d’une scission avec le RMC. Il soutient le retour du Roi Kigeri V et un nouveau référendum sur la question de la restauration de la monarchie. Il s’est prononcé en faveur la candidate Victoire Ingabire Umuhoza, leader du Front Démocratique Unifié (actuellement mise en résidence surveillée pour tentative de déstabilisation du pays et négation du génocide depuis Avril 2010) qui n’a pu participer à l’élection pluraliste du 9 Août 2010. Très actif, le MDPR émet régulièrement des communiqués sur son site et participe à des manifestations contre le gouvernement rwandais du Président Kagamé." http://www.sylmpedia.fr/index.php/Parti_royaliste_Rwandais

Voir tous les articles de Theo

17 Réponses à “Gen Kayumba Nyamwasa yashubije Kagame (Umuvugizi)”

  1. sam Dit :

    ariko , njy narashobewe ,iki kinyamakuru , ijshinzwe kuva nabi president kagame? mubona ibibi gusa , nta byiza akora se ? kuki mushaka kublba amacakubiri mu rwanda , turarambiwe no kuvuga ubusa. mugerageze mutange amukuru mu fitiye proof , naho bundi , murapobya itangazamakuru , birarababje kandi biteye agahinda kubona aho kubaka igihugu cyanyu ahubwo burashaho kugisenya , mu vuga amakuru harimo isebanya nu bujij nkaho mutize.
    mwisubireho kuko birababaje.

  2. Bizimungu@caramail Dit :

    Niba hari n’ibyiza koko yaba akora, bisibwa ni bibi akora. None tugire dute, hari uwamuhaye uburenganzira bwo kwica agakiza mu Rwanda? Erega ibinyamakuru byose ntibisabwe guhinduka igihe.com maye!

    • kiki Dit :

      mukomeze mubone bibi kuko nubundi ibyiza ntabyomwishoboreye kagame we aziho aho igihugu kiva naho kijya kandi turamushyigikiye naho mwebwe muri kamere yanyu ntimwigeze mugira ikintukiza mukora sinzi niba mutazi ikiza n’ikibi? naho ibyo kwica agakiza nibe nawe aranakiza mwe kumwishe gusa! mwarangiza mugahera ishyanga! imana yonyine izabibabaza kwandika ibyo mushaka ntibizabuza girinka munyarwanda naho mwe yari temundi munyarwanda

  3. kaziru bosco Dit :

    ko mbona kagame bamumereye nabi cyane bite ubu noneho muburiza hari uwitwa RUGEMITWAZA Euphrem wemeye guhagarika botique ye agakora akazi ko kujyana abana mwishyamba afatanyije nuwitwa NZABAMWITA ATHANASE Ukora muri UST BANK mbibutse ko uwo rugemintwaza yahoze mungabo zo kwa habyarimana aza kujya munkotanyi none ubu niwe mukuru w’inkeragutabara aho i mugambazi .abarwanya kagame bamuhaye ibifaranga byinshi kuburyo yaguze permi ye atazi gutwara imodoka agurira n’abamotari babiri aribo MUSHIMIRE na KAZUNGU bimugambazi nabandi bikigali kugirango babafashe muri ako kazi kabo .ngaho kagame ibindi azikurikiranire .yari SAFARI KANYONI

  4. simbi Dit :

    Nibyo kagame azahirima nkinuye ritemba kumanga nonese yinwirako aruta bakadafi na sadamu haahahaha

Laisser un commentaire

Vous devez être Identifiez vous Poster un commentaire

l'étudiant |
LE JARDIN DE L’AMITIE |
wildcatsworld |
Unblog.fr | Créer un blog | Annuaire | Signaler un abus | wwwfodelinfo
| Infos du jour
| Mosaïque