Accueil Société Culture Arts, litterature et poésie Rucibwa rute urubanza (Ibisigo)

Rucibwa rute urubanza (Ibisigo)

0
0
43

006. RUCIBWA RUTE URUBANZA ?

 

3°- BAGOROZI

Iki gisigo, gisa nk’ikitacyuzuye, kiri mu bwoko bw’« Ibyanzu ». Ni cyo gisigo cya mbere BAGOROZI yahimbye, akagitura Umwami Cyilima II Rujugira.

Arakiburanisha mwo Imirwa y’u Rwanda ngo ivuge uko isumbana mu bwiza no mu mateka y’ i Gihugu. Mbese kugirango haboneke iba iya mbere, ihatse iyindi. Urubanza rwabuze gica. Umusizi Musare azongera ashoze urwo rubanza. Ikigaragara ni uko Kigali ari yo ibanza. Bikamenyesha ko ari yo yari ku isonga ry’iyindi mirwa.

 

Rucibwa rute urubanza rw’ibibanza

By’Abami ba Sekiyaga,

Na Sacyungo i Nyakigezi.

Ye Baragira ba Sacyengeri,

005 I Kigegena-bungeri,

Bajya kwa Tamunwa

Mugunga wa Mugina

Ngaha zaraye mu mpaka Intiti.

I Ndagizo yankowe kabiri Ndakuzi

010 Gihororo iburana na Kigunga,

Ngaha zaraye mu mihigo.

Mihosha ya Ntarasi

Imirwa ijya kuburana intambara,

Cyamasoni na Cyamasuku

015 Atenda Mwendo nk’uwaciye inzigo ya Sama.

Nyirakigeri na Muka Gihinira

I Kirabagira-mpinga

Ni bo baje kubyara imigisha.

I Bwiruka–nkobe

020 Tujye kwenda Gasagara,

Na we Gasagara naza abyare Kavuna

Na we Kavuna naza atuvune umuhutu.

Murahu wa Nyiramuhanyi

Agishutse i Mutukwa-jambo,

025 Kabone nihaza na Mujagi,

Aje kutuganira ishashi y’uwa Rwinkanye

Aje kutujyana inka.

Y’e Bwuga mu bw’impabe

Nugera mu Nkamba,

030 Za Bwubahuka-ntambara na Buzigama-nde

Harya uza wubatse Rutaba,

Izo rero zizaba ari inkumirizi

Nsize i Rubango.

Niduhurira i Rubungira-biru

035 Bati : harya yatsinze Rugabimwa.

Ibyo ni ibihumbi by’ijambo

Biranogeye Kiruri na Cyama-suku

Nkazungukira jye.

Ikaburana KIGALI

Iti : nihagira undi Murwa,

040 Ugira uti : nazanye Abami babiri umunsi umwe,

Atari Muyebe wa Nyamugabo na Mugambuzi

Maze azabe atsindanye ayo magambo.

Nkaba na Mukuru wanyu mu Bami,

Buhanzi bwa Muhanyi

045 Nsoro yari Mugenzi wanjye.

Maze ikaburana RUNYINYA

Iti : ndi Runyambo rwa Runyaga-ngoma,

Sarugo ni jye twatsindanye.

Nkurimba ya Rusita

Icyo ni cyo gihe Mwagirwa acyuriwe inka

050 N’umurabyo utagira amazi,

Iwa Ncuze-inkumbi ya Caca-nombo

Yatoye ingabo ku Rwana.

Ako ni agacu kari mwo ikosi

Ka Gacura-nkumbi,

055 Ngaha kazivuga imisuka ya Ngeri.

Maze ikaburana NYAMIVUBA

Iti : jye ndi Miragirano

Ya Nyirankima na Ngohe,

Ni jye wagize Nyonga,

060 Nyigira Nyangara ingarigari ya Nyambogo.

Mbogo inkunze Nkindi ya Nyiramuvugo

Abo ku Rusi yari yabumbuje ingabo,

Akazabigiza kure. Ikaburana RWENDA-MBAGO

Iti: mbabwire umukiro uri vuba,

065 Wa Mwishya-nyagano wa Nkumburwa,

Ari jye wagaruje inka inkwano

Za Nkwakuzi ya Nyamuganza.

Izo sange yakoranuza icumu aca incucu,

Iti : nimuze tujye i Mwabira-riza

070 Kwa Mugambarazi na Mwubaka-juru,

Tujye gucura icyishi cya Nyabyunzwe.

KIGALI ikiyongeza ikaburana

Iti : nimunkubitire inka y’umugongo

Ni jye murwa wanyu mukuru,

Wa Mukubira-jenda wa Mugaya-mbuzi

075 Aho ni jyewe ubereza mukaronka.

Ikaburana BUSAKAZA-NSIKE

Iti : ndi Busakaza-taka

Bwa Buharara-kubona

Wa Murwa wa Rugenzi.

Izo ziba inyagwa z’i Gishari,

080 Ziba Shumbo ya Bahinzi ba Kiraro,

Ku gitwa cya Kinanira

Ikaburana BUHIMBA

Iti : ndi Bwimba bwa burunga na Bwinkeri

Agishutse ku Buhiga.

Nkaba n’imbege ya Burongi,

085 N’impinga ya Bwamatare

Turondana Bwakiro.

Muzirikana ko ari jye

Wabagarurana inka,

Za Kivuna-ngoma cya Nyangwe

090 I Butare bwa Kivunga-mwaka,

Ari mu rwari Nyangoma.

Ikaburana NZARATSI

Iti : ndi Birorero

Ni twebwe twatsinze Nyabikezi.

Gihororo iti : urampe urubuga Kigali

095 Nkubwire ko ari jye Mpuruye,

Ya Kivomo na Kivuza-mfuke

Ni jyewe twahindanye inzigo.

Kibinga yiviriza Kireka-mvura

Zo na Mvange.

100 Kibinda awungira ingabo,

Uwo munsi nywubaha umuhire,

Wa Muhima Nkozi wa Mugaya Mbuzi,

Dusanganywe mu muhango.

Est-ce que le MDPR ( parti dissout en l'an 2013), aura joue un role, si minime qu'il soit, dans la comprehension du probleme rwandais et dans l'avancement pour la recherche des solutions? C'est a chacun de juger. De toutes facons, notre action n'aura pas tout a fait passe inapercu! Sans politique ou en politique, nous continuerons a lutter pour la liberte, la verite et la reconciliation, ainsi que pour l'instauration d'un etat de droit au Rwanda. Selon Sylmpedia: "Mouvement Démocratique du Peuple pour la Réconciliation (MDPR- INTIGANDA) Drapeau du MDPR Fondé le 13 Décembre 2009 par l’Abbé Théophile Murengerantwari. Ancien "titulaire" de l’Evêché de Cyangugu, exilé en Allemagne ou il a basé son mouvement issu d’une scission avec le RMC. Il soutient le retour du Roi Kigeri V et un nouveau référendum sur la question de la restauration de la monarchie. Il s’est prononcé en faveur la candidate Victoire Ingabire Umuhoza, leader du Front Démocratique Unifié (actuellement mise en résidence surveillée pour tentative de déstabilisation du pays et négation du génocide depuis Avril 2010) qui n’a pu participer à l’élection pluraliste du 9 Août 2010. Très actif, le MDPR émet régulièrement des communiqués sur son site et participe à des manifestations contre le gouvernement rwandais du Président Kagamé." http://www.sylmpedia.fr/index.php/Parti_royaliste_Rwandais

Charger d'autres articles liés
Charger d'autres écrits par Theo
Charger d'autres écrits dans Arts, litterature et poésie

Laisser un commentaire

Consulter aussi

Abayobozi ba Ishema Party bazasesekara ku kibuga cy’indege cy’i Kanombe ku wa mbere tariki ya 23 Mutarama 2017

  Itangazo rigenewe abanyamakuru: ICYO TWE TUGAMIJE NI « UKUNGA ABENEGIHUGU NGO DUFAT…